ابراهيم الحردي(يا قلب لا تحزن واياك تهتم)

يا قلب لا تحــزن وإيــــاك تهتم
الــعـرق واضح والبـــدايه لأمـــه


خله على ممشــا الرديين يلـتم
واللي احترم خلقتك يلقا احترامه


واللي يقـــدم سم طـعمه بالسـم
واللي رفعك اكيــد تـــرفع مقامه


وان جابها وحـده يجي ردهـــا كم
وان كان عـلمـها تـــرد بعلامــه


عايش ما بين الهم والدمع و الغم
ما هو سواتك كل ساع ابتسامه


ماني بقايل اني له رافع الدم
بـــقول ضــــايع مـــا تجيه الملامـــه


اختار غيري واحترف لعبة الذم
وان كان صوبني تصيبه سهامه


مغير طبوعـه علي اللمز والنم
واليا انتقم حسره يضيع انتقامه


يا نـــــاس طبعي للمخاليق يفهم
من جاء هلا وان راح درب السلامه


كلمات
ابراهيم الحردي