غـــــــــــااايــــــــــــااات عــــــــــــمري

بسم الله الرحمن الرحيم
اقدم لكم هذه القصيدة واتمنى رضاكم
واعتذر عن انقطاعي لفتره لظروفي العائلية

كل له بدنياه مطلب وغاية=يركض وراها لو سنين طويلات
كم غاية تحقيقها فالبداية=وكم غاية ياكود عقب الصعيبات
وكم غاية للعمر يكتب نهاية=وتحقيقها من سابع المستحيلات
ماكنها الا غايتي من شقاية=لاوالله الا راح عمري حسافات
ياصاحبي سألتني عن مناية=وانا المنى في شوف واحد وكد مات
كويت جرح مستكن بحشاية=مبطي مصوبني واداريه بسكات
لا مانسيته صورته بالمراية=ولا مر يوم صورته فيه ماجات
بالأمس نوره أشرقت به سمايه=واليوم صارت في ظلام ومتاهات
ياالله عسى مثواه ياملتجاية=في وسط جنة عرضها كالسماوات
ماظن يقضي يارفيقي عزاية=للحين وجروح المفارق نديات
ماخذت من حزني عليه الكفاية=حلفت لابكي والدي طول الاوقات