محاورة شذى الخواطر مع الغالي أبو فرح

أعضاؤنا وعضواتنا صباحكم عاطر بإذن الله

أثناء تصفح أحد الملفات على جهازي وجدت هذه المحاورة مع صديقي الغالي أبو فرح وعن وقتها متى وكيف لاتسألوني

أرى أنها من الظلم تكون حبيسة الملفات فهل توافقوني

ماجلان أخبر أخاك كي يكمل المحاورة ولاّ بيشوف شغله زي صاحبنا هههههههه

سالم البشري=
سلام واغلى تحاياالذوق=واغلى معاني مشاعرنا
لابو فرح حرفها منطوق=الصاحب اللي يقدرنا
أبو فرح=
ترحيب فيه الوفا مطبوق = مايختلف في سوايرنا
واحلى نسايم عبير الشوق = مخصوصلك وانت خابرنا
سالم البشري=
تسلم ولاكل يوم نروق=فيه الأحاسيس تامرنا
ياكيف نكسر هذاك الطوق=ونحرر قيود آسرنا
أبو فرح=
انا معك والمعاني فوق = يشرح شذاها خواطرنا
واللي من احوالها محروق = يقرا مكاتيب شاعرنا
سالم البشري=
كل ما بدا للضمير شروق=قلت ابتسم يوم حاضرنا
يلقى طريق الأمل مفروق=ويردنا حيث ماسرنا