ابراهيم الحردي(دكتور اش القصه مع القلب والـ(اه).

القلب و(اه)

دكتور اش القصه مع القلب والـ(أه)؟=لا قلتها للــــقلب. يـــرتاح راحــــه..
بــــالله علمني وأحـــلفك بـــــالله..=القلب دون الـ(أه) وش هي جراحه؟
دكتور أنا ما أشكي من الجرح واهواه..=وأشكي من قليبي لا ضاق انشراحه..
الـ(اه) يــــا دكتور للقلب مأســــاه..=والجرح يبرأ مع طبيب الجــــراحه..
كلــمه لها حــرفين تـــأمر وتنهــــاه..=كلمه لها قلبي يزيــد انفتاحــــه..
الطب كل شيِ بذا الوقت سواه..=وش طبكم (للاه) يا اهل الصراحه..
القلب ما خذها علي حسن مبداه..=في سجنها عيت لا تطلق سراحه..
وأعراضها مدري لو القلب يخفاه..=دائم يكررها بدون استراحه..
تجتاحني بـ(الحزن) والقلب تبلاه..=حتي الفرح فـ(القلب) تم اجتياحه..
وش طبها؟ بشريه لو زاد مغلاه..=وطبك بدون علاجها وش صلاحه؟

خاطره مرتجله .والهاجس دعاني لها وانا لبيت
اخوكم
ابراهيم الحردي

صح لسانك وسلم بنانك



قصيدة رائعه بروعة حضورك



لك تقديري

السلام عليكم ورحمة الله وبركاته
سلمت ودمت أخوي الشاعر ‏ابراهيم الحردي على القصيدة .
.
.
جزله ورائعه وصح لسانك
أخوك ابوساره

صح لسانك اخي ‏ابراهيم الحردي
كلام جميل
الله يعطيك العافيه
/
\

صـــــــــــــــــــح
لــــــــســــــــــانك

وللامام

لاهنت وصح السانك

تقبل التقدير والاحترام

وفقك الله

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح الله لسانك
ولاهنت
وسلم فكرك وبنانك
دمت برعاية الله وحفظة

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك