أرجوك لامت ترثينـــــــــــــــــــي

عم الكدر وأبتدى همي يباريني=وهاضت هجوسي لجل نفسي تصبرها
لاكن نفسي تعرف الزين والشيني=ولاعاد تبغى بيوت الشعر وشاعرها
تبى عيون الهنوف اللي تواسيني=تبي حنان ٍ عن الضيقه يجسرها
من عقبكم ياهنوف القلب صاليني=فوح القهر كاتم همومي وحاكرها
اصيح بسمك وأقول إنك تلبيني=مير البلا ياوليف الروح تحقرها
دارك بعيدن وانا وقتي معنيني=إزريت لاشوفك دارك وتصورها
كن البشر تنتحي مابينك وبيني=وانا وحيدن وكل الناس مقدرها
ليه الليالي تجيب الدمع من عيني=في كل ليله يمر الخد ماطرها
ارجوك رجوى حبيبي لاتخليني=النفس من عقبكم تنظر مقابرها
يازين عندي وصيه لا توصيني=اشوف بعض الجنايز في منابرها
الاوله طالبك لامت ترثيني=فبيوت شعرن تغث النفس تكسرها
والثانيه حاول إنك ماتطريني=اكتم علوم ٍ قبل موتي تخابرها
ووصيك ياشوق قلبي لاتناديني=لن المشاعر مع الميت سرايرها
وحذر من اللي يقول الحب طاويني=وصقور طيفي لجل عينك مطيرها
ماحدن يحبك ولاحدن صادق الحيني=الناس تال الزمن باعت مشاعرها
والثالثه ياهنوف القلب يكفيني=إني عقشتك ثمان اسنين وكثرها
فيها قصيدن على المسحوب وهجيني=فيها ليالي تغث الكبد وسهرها
والله والله غلاكم في شرايني=ولافيه غيرك بهدنيا نعبرها
العالم الله متى موتي بيلفيني=ابيات شعري من الفرقا مسطرها
وختمها دمعة اعيوني تناديني=واللي سواتي دموع العين يحقرها