وليف الشوق+بخيتان البشري

وليف الشوق=
يابومحمد ضناني الشوق = كل يوم يزداد في حالـي
عيا معي لوقليل يـروق = ويرتاح من شوقهم بالي
بخيتان البشري=
ارفق على الحال يامخلوق = لاتروح في هجوس وجدالي
حتى معك نجتهـد يـاذوق = عطنا التفاصيـل فالحالـي
وليف الشوق=
قلبي على حبهم معشوق = مايوم عن خاطري سالي
افيدني كامل المنطـوق = اللي منه اقطع وصالـي
بخيتان البشري=
ياستاذنا الشاعر المرمـوق = نحتـاج توضيـح فالتـالـي
وش بان في ودهم من عوق = بـدل لكـم كـل الأحوالـي
وليف الشوق=
الود من عندهم مسبوق = ولا يوم من يمهم مالي
كل مابعدناتزيد وثـوق = ويردني غصب لوصالي
بخيتان البشري=
دامه على عهده الموثـوق = وفالقلب والبـال لازالـي
ما لك في هذا الأمر مدروق =إنته مسيّـر فـذا الحالـي
وليف الشوق=
تركت درب الهوى باروق = وبعد ولا قيه في جالي
معاد ليه عليه شفوق = كيف البصيره ولدلالي
بخيتان البشري=

خل المسافات لك فروق = وخله من وجودكم خالي
الوضع يحتاج منك رفوق = لو كان بك المدى طالي
ولاشك من ذا العنا بتفوق = اللي تسبب فالأهوالي
هذا الذي يبعدك وتفوق = كل المصاعب 0وتنزالي