سالم البشري+محمد سعد اليوبي+غدير بن فهد الوهبي

محمد سعد اليوبي=
ياصاحب القاف والمشروع=ياللي على الرأس حطيته
البارحة شفت لي موضوع=مدري عسى وأين وديته ؟
سالم البشري=
قريت انا قافك المطبوع=اللي باياديك خطيته
آنا معك لاخر الإسبوع=نبحث عن اللي تحريته
غدير بن فهد الوهبي=
ماجيت في سيرت الممنوع=وعن الخطا الباب صكيته
يصار خطك ماهو مقطوع=تحصل على الي تمنيته
محمد سعد اليوبي=
القن بين العرب مزروع=ودرب العرب ما تعديته
أما جفا والجفا مرفوع=والا خطأ واستحقيته
سالم البشري=
القن في حاصل المجموع=يعطيك لامنك اعطيته
فيه العذر والخطا مرجوع=وراعيه ينصفك لاجيته
محمد سعد اليوبي=
قلبي معه لاذكرته يزوع=ولو يبتعد عنه حديته
وأنت ترى دونها مقروع=وان عدتها .. العلم مديته
سالم البشري=
إدرى على قلبك الممزوع=من هم يالو ياليته
ممنوع إنته وانا ممنوع=وان كان رديت رديته