لحن بيني وبين العم عايش الدميخي

مرسى ينبع=
سلام واسمع مثل ياعد=ابغى جوابه على المطلوب
قدام صبر الفؤاد يشد=من قلب مغرم حلف ما يتوب
العم عايش الدميخي=
واجب عليّه عليك ارد = يافارس الكسرة الموهوب
ترحيب احلا حلا من الشهد = اصدره فاول المكتوب
مرسى ينبع=
الان جاك الكلام الجد=وانت من قضاتنا محسوب
قلبي ضناه الهوى بالبعد=خلاه بين الظلوع يذوب
العم عايش الدميخي=
حيا الله اللى علينا تعد = بفن راقى وادب واسلوب
هذا الهوى لا تقف له ضد = عنتر امامه وقف مغلوب
مرسى ينبع=
انا مابين الجزر والمد= فى مهاترات الهوى مرعوب
حتى تعب خاطري والجهد=والصبر من جانبي منهوب
العم عايش الدميخي=
شوف السبب واعرف المقصد= وابذل له الى منه مرغوب
وان كان مالك ففعله يد= دعه والايام عنك تنوب
مرسى ينبع=
فى عالم الود ليه ود=كيف اتركه واجعله مشطوب
مادام فيه القسم والعهد=ميزان لاهل العدل منصوب
العم عايش الدميخي=
من يعرف الود عرفه يسد = وما يتركه حقه المغصوب
يجعل لكل المسائل حد = وبذات نفسه بلا مندوب
مرسى ينبع=
انت لكل القضايا ند=ربان فالصابيه محبوب
اسعى عسى تلتقيلي بند=يعالجه قلبنا المعطوب
العم عايش الدميخي=
فالمردود الاخير=
عمر الوصل مايجى بالعند= وكم ليّن العطف اقسى قلوب
وحسن التعامل امر يشهد = ان الدلع للهوى مشروب
وياصحابنا سمحونا=