ديوان -الشاعر محمد الكنيـــــــــــدري

بعض الهوى فيه صدق احساس= وبعض الهوى ماكذب احساسه
وبعض الهوى فيه بعد وياس= وبعض الهوى ماقرب انفاسه

جرحأ لجا وامتكن فى عضاه= وحال الدواء دون الامكاني
اليا سمعته يقول الاه= اسمع صدها فى وجداني
ولاشفت دمعه وحرق ابكاه= تذرف دموعي من اعياني
ياخون كلن يقول الله= يشفي لنا ذاك مرضاني

اخواني واخواتي الكرام كل عام وانتم بخير بمناسبه حلول شهر رمضان المبارك
جعلنا الله واياكم من الصائمين والقائمين بما يحبه ويرضاه
رجاء من كل من يمر هنا ان يدعو لمريضنا بالشفاء العاجل وجزالكم الله خيرأ

يوم الجوادر غرف للنوم= ودولابهم كان صحاره
والرز بكه سمن ميدوم= وتهضيمهم كان بخضاره

عندما اردت شراء غرفة نوم وكان سعرها مرتفع جدأ تذكرت ماكانو عليه ابائنا واجدادنا

خلك مع الله يطيب الفـال=واتقن امـورك بالاتقانـي
ولاتتبع القيـل تلـو القـال=من غير ادلـه وبرهانـي
واحسب حسابك من الاقوال=ولاتسمعـه قـول شمتانـي
وقر الخطاء واطرح المعدال=لاتسيـر فالحـق عميانـي
دام الحكـم بالدليـل الـدال=لاتتـزم فـوق الامكـانـي
ولاتصاحب الا رجال ابطال=عادتهـم مشـي الاقنانـي
ولادق سيل المزون وسـال=احذر معه رجح الاوزانـي
بعض الثمر من خياسه مال=وبكره تعلا فالاغصاني
ياكم تاهو فحـول رجـال=في معمعة غمز الاعيانـي
وعقدو عليها كثيـر امـأل=ولامـال مـاد الحميدانـي
واشرب لكيفك بكـور دلال=بوجودهـا نعمـة العانـي
ولاحل واجب مع المرسال=اسري له الليـل وحدانـي
هـذا كلامـه محمـد قـال=من حب صادق فى وجداني
للي سمعنـي مـن العقـال=وكلن يفكـر فـى قيفانـي

شوف التفرق اساسه من = تعرف هدف صاحب الفكره
وليا عرفته تحذر عن= اللي مدبر لك الدبره
بعض العرب كاسرين القن= يمشي من الجرف للحفره
حاله كذا صار لين ادمن= ماتنكره ناس بالنكره

يبرق بريق الذهب وآلماس= ويغر الاعيان ببروقه
اثره مدوكر بساس نحاس= من منطقه بان منطوقه
اللي نباته على النوماس= يجري مع الدم فعروقه
واللي نباته خبيث الساس= ماينشري لو رخص سوقه

الليله الليل يابن بدين= حل المساء والمصافى زان
مايقبل القاف صبر الدين= صرفه على الكاش فالميدان

البارحه النوم ماجاني=ولاينفرض للشقاويه
وبهرتها بن صنعاني= ونهجتها للصفاويه
ودقيت سلف المريكاني= لاصحابنا فالدعيجيه
اللي لهم قدر الاعياني= اقولها صادق النيه
وصار الملاقى بالاخواني= في بسط وهروج عفويه
وقيفان ليحي وليحاني= وردود فالحال فوريه

ولاصرينا الا بعد غاب القمر = واحنا نردد ياقمر ليلة 14 عنيتني لانت غايب ولامدرك
عني سحاب وياليحي وعسى يالعين ماباس

من شاف هيج الهوى واغواه=ميت ضماء يارحم حاله
يجري وراء اللي بعيد مداه= والسيف سيفه وقتاله
ياما غووبه رجال دهاه= والكل نادم على افعاله
حكم البنادم حسب مبراه= ومن حال فعله يسواله

ياسيد صبر المواعد طال= واهتز قلبي من حموله
ليه الجفاء منك والآهمال= ماهو كذا الحب ووصوله

لاتقولون الكنيدري هرنا حكم وامثال = تراني هواوي وقلبي شقاوي