(طالبك يالكادر الطبّي) ........ إلى الشاعر القدير / تركي عبدالله البشري

خالد=
طالبـك يالكـادر الطبّـي = تكشف على الجرح ودّاويه
قبـل الهواجيـس تلعبّـي = ويسيطر الياس في راعيه
تركي=
ياكم تشافا بأمر ربي = يوم الله أراد تحت يديه
هات التقارير لا تخبي = والعارض اللي لنا تشكيه
خالد=
سبحانه اللي له نلبّي = اللي رميم العظم يحييه
ياتركي النار تشتبّي = بسباب بعد الذي نغليه
تركي=
قدام لأفتيك يالحربي = سؤال..؟ تسمح لنا نلقيه
هجرك هوى روح متربي= والا هجر صاحبٍ شاريه