ياسالم البشري البيطار &&&&&&&&&&&&&&&&( عاااااااااااجل )&&&

فواز الزويهري=
يـاسـالـم الـبـشـري الـبـيـطـار=ســلام حشـمـه لـكـم مـــردود
اليـوم حايـر وابـا استفـسـار=من علم مثل الليالي السود
القـلـب كـاتـب علـيـنـا اقـــرار=من جـذ حبلـه جنـا المنقـود
واليـوم أشـوف البـنـا ينـهـار=وعـنــد الـجــزا للـمـآسـي زود
سالم البشري=
يامـرحـبـا نـفــرش الأزهـــار=في دربكـم ياعميـل الجـود
يـاعـارف الـعـلـم يامـحـتـار=قلّي وبابـذل لـك المجهـود
مايلام من يدرق الأخطار=ويحـذر اللـي هـنـاك قـعـود
واللي بنى عارف المعمار=مايروح فيه الوفـا موجـود
فواز الزويهري=
عسى البقا واسمع اللي صار=يـالـلـي لـكــم فالـمـعـانـي فــــود
اقـلـوب فـيـهـا الـحـسـد والـنــا=غطت على بـاااااذل المجهـود
والصـافـيـه أصـبـحـت فــاكــدار=والظن بااااادي على المـورود
حاولـت أدور بصيـص أعـذار=عـجــزت لـلـقـا لـهــم مـقـصــود
سالم البشري=
ادعـــي لـهــم ربـــك الـسـتــار=يمـكـن ربـيـع القـلـوب يـعــود
واجـب لـهـم تلـفـت الأنـظـار=وتفتـح لهـم بابهـا المسـدود
بـالـطـيـب لاتــعــدم الأفــكـــار=حتى الصفا فالنفوس يسود
ولا ابـتـعـد واطـلــق الإنــــذار=وأجـرك تنـالـه مــن المعـبـود