{ ..ليته معي ماصار مخطي ولوام.. }

السلام عليكم ورحمة الله وبركاته

اسعد الله أوقاتكم بالخير والمسرات

اخواني في ملتقى قبيلة حرب اعذروني على قلة تواجدي واقبلوا مني هذا النص المتواضع عله أن يكون شفيع لغيابي ...

يالله لاتجعل على الارض ظلاّم=يلي إليك المشتكى والطلايب
مافيه غيرك بالمخاليق علام=تعلم خفيات العدى والصحايب
ترازم همومي لها عدة اعوام=تجلب على قلبي صنوف العقايب
لو انها ودت ولا جابت آلام=ماكان حطتني بوسط النشايب
بس البلا مركوزتن مثل الاعلام=وإلا مثل ركز القبر والنصايب
لا واعذابي من صواديف الايام=الي تفرق بين شمل الحبايب
كم واحدن من واهج الحب منظام=يذراه حزنه مثل ذري الهبايب
وكم واحدن عقب المحبه والأحلام=يمسي وهو مدفون تحت الترايب
تبكي عليه الفاتنه مثل الأيتام=والدمع حره مثل حر اللهايب
ولا ياوجودي وجد مكسور الاقدام=خلوه ربعه دون ذنب وسبايب
خلوه وجهتهم من الشرق للشام=واقفو وعينه للزمل والركايب
يوم انتخى ماحوله ربوع واقوام=راحت محاسن نيته للقرايب
هذا وجودي لا طرالي من العام=عذب الوصوف الي به القلب ذايب
حكمه عليّه بالهوى حكم صدام=يأخذ على المجني عليه الضرايب
أقول له قلبي عن الحب صوام=ويقول لي قلبك من الحب شايب
وأقول له حبي غدى عقبك اوهام=ويقول لي ماذقت مر الغلايب
ليته معي ماصار مخطي ولوام=ولا تركني بين جرد المصايب
اشكي عذاب العشق والعشق مادام=لكن لي الله يازمان العجايب

صح السانك وبيض الله وجهك
قصيدة رائعة

الله ......... الله ............. على الأبداع

قصيدة رائعة تشكر عليها يابن العم

مودتي وتقديري

صح لسانك

ورائعه تستحق الثناء والإعجاب

صح لسانك اخوي سامي

قصيدة جزلة وحضور جزل

دمت بهذا التألق

اخوك ابو فراس

الله يعينك ياسامي الوسيدي

ويجمع شمل الأحباب في كل ديره

وصح السانك وأعتلا شانك

ونصك الي قدمته يشفع لغيابك

بارك الله فيك على هالحضور

ودمت بخير

سامي الوسيدي سلمه الله



مليون صح السانك
وعلا شانك


واهلا بك وبحضورك وكم نود ان لاتغيب وان تكون بيننا هنا بمشاركاتك الطيبه


لاعدمناك ياسامي


تحيتي وتقديري

صح لسانك على هالقصيده الجميله

بانتظار جديدك

تحيتي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

شاعرنا الجزل سامي الوسيدي
صح الله لسسسسسسسسسانك مليووووووووووووووووون