ديوان الشاعر(بخيتان البشري)

بخيتان البشري =
والله يابو ماريا حالي = حال اللذي زاد به حاله
من بعد حسب الوعد جالي = اصبحت في وضع يرثاله
المقرح =
ياذيب تُضرب بالامثالي = من ساس معروف برجاله
والمُر ماهو كما الحالي =الكل تعطيه فنجاله
بخيتان البشري =
إلا الهوى يابعد حالي = صحيح مظلوم من طاله ؟
يالمقرح ازداد غربالي = باللي معي منشغل باله
المقرح =
حرفين تزلزلك زلزالي = وما قِيس للآن زلزاله
ياكم يرميه فالخالي = يروح ويسيبه لحاله
بخيتان البشري =
اللي بنا حاز منزالي = صميمه الذات منزاله
صمته معي كل ماطالي = فعيونه اترجم اقواله
المقرح =
شكيت من شدة أهوالي = وذكرتني الليل وطواله
مشيت في سهل وجبالي = وفكري تغربل بترحاله
بخيتان البشري =
منه المودّة على جالي = وله المحبة على جاله
موته يدي 0 قطعه وصالي =كيف اتقي قطعي وصاله
المقرح =
الحب مجنون قتالي = مافاده الزير وقتاله
مقسوم للكل بعدالي = في لوح مرفوع باعماله
وإن كان فالله يالغالي = في ظل يحميك بظلاله
والصبر يرجح بالاعمالي = تعويض بالخير وبداله