الطيب مايقواه

	المشاركة الأصلية كتبت بواسطة ابن هليل

	جوّن خلاه تطيب فيه التعاليل= يشرح خواطر كل من يدهلونه هو منوة اللي بالليال المقابيل = لا كتّظ همّ القلب وارخى مزونه عجيب / يامكثر هل القال والقيل= والسم مابين العرب ينقلونه اشره على اللي يستمع للمهابيل =يروجون الهرج ويصدقونه وابكي على فقد الرجال الحلاحيل= لو هو ذهب في لازمي يرخصونه الطيب مايقواه غير الرياجيل= الي لياجت حزته يكسبونه لون دربه صعب ماهو تساهيل = يردون صافي جمّه ويشربونه ولاّ الردي تحرم عليه الفناجيل= يطيح لو أن العرب يرفعونه لاتنتخي به واتركه بارد الحيل = منته بجاني منه غير المهونه

اخوي الغالي ابن هليل

صح لسانك على هذه القصيدة الجزلة

قصيدة وافيه من المعنى والحكمة والبناء

لك كل الشكر على هذا الابداع

اخوك ابو فراس