ايه هاذي مهلكات القبايل والشعوب=افت اصغر مجتمع وافت اقوى من قوى

بسم الله الرحمن الرحيم


السلام عليكم ورحمة الله وبركاته


..هذه اول قصيده اقوم بنشرها في ملتقي قبيلة حرب الرسمي

واتمني ان تنال اعجابكم


ايه هاذي مهلكات القبايل والشعوب=افت اصغر مجتمع وافت اقوى من قوى

ورد صدري كل ماقربت الشمس الغروب=كنهن ورد الضوامي على عد الروى
طلت المتقاطعه كنت النجم اللهوب =يوم محصول النخيل الستوى ونص الستوى
لاحداها الشوب ثم اقبلن من كل صوب=كن عركتهن سوى عركت اهجوسي سوى
او مثل نواً تزبر وربانه يذوب=ذاب ربانه للارض وتنطحه الهوى
واتصل حس رعده واتصل برقه شبوب=وقام سيله وقتوى الوبل والسيل اقتوى
ونحدر مع وادياً بالشواهيق محضوب=ولتوى الوادي وقام يعلى موجه هوى
حال مايكتض في خافقي قبل الغيوب =مثل حاله مع مصك الشعيب اليا التوى
كل ماصكن وضكن وسيعات الدروب =كنهن سيلاً تحده على السد نحوى
نوب اسايرهن ونوب اتحداهن ونوب=نوب احس ان السماء صاج ولارض صغوى
مالي الا اربط حزامي بوسطي للهروب=اشعراني في هروبي من الواقع دوى
من سبايب مهلكات القبايل والشعوب=من عرفهن ضاقبه وجه الارض بما حوى
لو نضراته لقطب الشمال من الجنوب= يقصرن خطاه عن ما يروم ومانوى
لاغدى بيت المعزب مثل بيت العزوب=من يقول للغاوي الدرب قف الياغوى
والحقايق ذاهبه والمدور لالذهوب=مثل من يبحث عن العيش في بيت الطوى
يوم صرنا مانعرف الصدوق من الكذوب=مثل مال الصدق للكذب نفس المستوى
واكبر الاسباب موت الضماير والقلوب=والضنون اللي مصاديرها سوى النوى
وقتناع الناس كلن برايه في عجوب=اْفت اصغر مجتمع وافت اقوى من قوى
لغدت كل العرب روس ذنب من الذنوب=ماوراه الا عما البصر ولعنت الثوى
ايه هاذي مهلكات القبايل والشعوب=افت اصغر مجتمع وافت اقوى من قوى

الشاعر : لويفي الشاماني

صح لسانك واسمح لي اقتبس هالبيتين لاعجابي بهما

ننتظر جديدك.

لويفي .. حياك الله وياهلا وصح لسانك

والله يجيب المطر


القصيدة هذي أبااسميها فرد عضلات وأنت قوي يالشاماني

ومن الواضح أن خلفها شاعرية فذة سنفخر بها جميعا


وتقبل مروري مع خالص ودي

صح السانك

والله يحييك

لويفي الشاماني
سلمه الله


الله يحييك ومرحبا تراحيب المطر بشاعر نراهن عليه ان شاءالله


واول الغيث قطره

مليون صح السانك
وعلا شانك


ولاعدمناك ايه الشااااعر



تحيتي وتقديري

صح لسانك يالويفي الشاماني وحياك الله بين ربعك

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

الشاعر الويفي
حياك الله وياهلا وصح لسانك

الشاعر لويفي الشاماني صح لسانك مليون قصيده مضمونها كافي من شاعر وافي

اهلاً هلابك يالويفي الشاماني

حياك الله بين ربعك ونتشرف بوجودك معنا

وصح السانك على القصيده الجزله والرائعه بروعة حضورك

لآهنت ولك ودي وتقديري واحترامي