النحيتي يسوق الروح دون أخوياه = مثل فيصل عليه الطيب ماهو غريب
طيب الاصل فلميقاف تثبت خطاه = في نهار الشديد فزعتة ماتغيب
من سلالة رجالن ينطحون الرماه = ياصلون الخطر ويطوعون الصعيب
فعلكم في كتاب المجد كلن قراه = نعم في شيوخ حرب أمنزحين الحريب
يوم بن علي ناداهم ولبو تداه = في ليالن بها روس الحضانا تشيب
قادها اللي قبايل حرب تمشي وراه = عزوته في نحيت وفعل كفه عطيب
لين هدو صفوف القوم واخذو ثراه = جرحهم بالعدا طول الدهر مايطيب
فعلكم لونعدة مالحقنا مداه = يارجالن لكم بطيب حض ونصيب
الشاعر/ مساعد ضعيان البدراني
16-12-10, 01:08 PM
العرض الشجري