كل عام وأنتـي بأحسن حال

ياهاجسي هات القوافي نعنبو حي ٍ يهان=وأبطش ولاتسمي على هزل القصيد ولا بيره
أبيك تعرف شاعرك وانته تعرفه من زمان=شوق الهنوف اللي رحل من ديرة ٍ ليا ديره
الاوله ودي أبارك للهنوف أم الحنان=وأقول كل عام وانتي بأحسن حال ياأميره
ياأميرة الحب ويا أميرة العالم عندي ضمان=يقول إنك أميره بنت أمير ٍ باينن خيره
ياأميرتي ياأميرتي باقف على قمه عشان=أصيح باعلا الصوت هاتو خلي لايجي غيره
أنا مجنون ياعالم وهي بعد فيها جنان=أجنان مثل أجنان عبله بس الأيدي أقصيره
أحبها وأحبها واموت أنا بحلو اللسان=اللي ليا منه نطق يقول شي ٍ في ضميره
وليا نطق قدم الفقير يصير له قدر ٍ وشان=وليا نطق قدم العمى عادتله أعيونه بصيره
هذا لسان اللي عشقته من قبل خمس وثمان=وعمرت له في وسط قلبي بيت صعب تعميره
لاياوجودي وجود عود ٍ لاعيال ولا ضمان=يطلب عشى للبنيته مسكور وضاع تقديره
يصير حالي مثل حال العود وعايش في هوان=لامن غبتي عن عيوني وانا قفيت لديره
وخاتمها ودي أبارك للهنوف أم الحنان=واقول كل عام وانتي بأحسن حال ياأميره

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح السانك وبيض الله وجهك ودام ابداعك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وبيض الله وجهك

السلام عليكم ورحمة الله وبركاته
سلمت ودمت أخوي الشاعر أحمد سليمان الجابري على القصيدة .
.
.
جزله ورائعه وصح لسانك
أخوك ابوساره