ولابد ما تغرب بعد وقت الاشراق= وتطوى الصحف بأعمالنا يالفريدي

	المشاركة الأصلية كتبت بواسطة غالي بن ربيعان

	منعاق انا ياخوي بالحيل منعاق=اخر جديدي كان تبغى جديدي غرواً نطحني لين العود ودقاق=من عقب شوفه صار حالي زهيدي صغير سن وزادها حسن الاخلاق=زين البدو زينه وساسه جويدي لوبوصفه ياخوي نشفن الارياق=وصفه فريد وفيه حسنن فريدي حبه نبع من داخل القلب دفاق=مع كل نبضه يندفق في وريدي حسيتبه من هامتي لاسفل الساق=وأكد لي احساسي بعد لمس الايدي جرى مجار الدم في جوف الاعماق=جري الطريد اللي يلاحق طريدي ماقولها زورً وبهتان ونفاق=والاعلوم تعطر اغلى قصيدي والاكمى الاسهم وتحليل دقاق=اللي بعدها راح فيها الرشيدي للحين قلبي من هوى الزين مافاق=وشلون افوق ودار خلي بعيدي حتى على ماقيل لو ينوي افراق=محبته عقبي يرثها حفيدي وتبقى لنا ذكرى سواليف عشاق=في يوم اناسيده وفي يوم سيدي قصة غرام ومهرتاً زينها فاق=خيالها اصبح من هواها شهيدي ولابد ما تغرب بعد وقت الاشراق= وتطوى الصحف بأعمالنا يالفريدي واللي خلق خلقه تكفل بالارزاق=ان زاد والا لن نقص لي رصيدي

اخوي غالي الغالي استلم ردي المتواضع واعذرني على التأخير والتقصير اتمنى اني وفقت بما كتبت والا الجمال والرقي اخذته قصيدتك ومثل ماقيل التالي متلول لو هو على ظهر ذلول .

قريت مكتوبٍ على بيض الاوراق=فالمنتدى ورسالةٍ في بريدي
قصيدة لامرت اسماع ذواق=للجزل والشعر الحقيقي يشيدي
من شاعر قادر على لي الاعناق=واقل ماينقال شاعر مجيدي
اسم الفريدي بآخر العقد براق=وجه له الشكوى ويبغى المفيدي
لاباس مقرونه بترحيب واشفاق=له وعليه اشفق ومنه استفيدي
بحر الهوى كلٍ شكا منه الاغراق=منته لحالك عل عمرك مديدي
راع الهوى لايحلم بحب واعتاق=واحد من الاثنين والعلم أكيدي
لو غالي اربيعان على الخفا واق=وشاف الطعون وشاف بالرجل قيدي
ارسل لي الفزعة على اجناح بيراق=معبدي دون الخوي مايحيدي
رجل لفعل الخير والطيب سباق=نعم العضيد لمن يحطه عضيدي
مادام لك بيرق على الصرح خفاق=في ساحة العشاق خلك شديدي
وابعد شبوحك عن سراديب الانفاق=المظلمات وخل رايك رشيدي
واحكم على باب الغلا قفل الاغلاق=اكيد ذبح السر فعل سديدي
والصبر دام الصبر يقوى وينطاق=مذكور غيب الصبر دايم حميدي
وارفع يديك لمن رفع سبع الاطباق=الواحد اللي من لجاله سعيدي