الغيمه اللي هلت الوبل سكاب

وصلتنى بالأمس ثلاث أبيات من أحد الاصدقاء الاعزاء ولااعلم أن كانت من قوله أو منقوله
ولقد ردينا عليه واليكم الرسالة والرد

رسالة صاحبنا

طماع في خوة طويلين الأشناب
وأبخل بنفسى لا دعاني هلامه

من ذاق ماذقته بخوتك ماتاب
يغزي لو ماله من وراها سلامه

وأنا أشهد أن المرجله سر الاعجاب
وأقبل من الصاحب صادق كلامه

ردي على الابيات السابقة

الغـِيمة اللي هلت الوبل سكاب
قام يتكاشف برقها من غمامه

يامعرب الساسين ياخير الاصحاب
مرحب هلابك يا مقر الشهامه

مرحب هلابك عد ماقيل ترحاب
يا اللي كسبتوا لصداقه زعامه

الطيب يسعى له عريبين الانساب
تاريخهم حافل بعز وكرامه

الطيب للطيب من أقراب وأجناب
دايم رفيع الذات عالي مقامه

والأ الردي خله على الدرب مجناب
من صاحب الرديان يكسب ندامه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك وانته شاعر وشاعر لا تحتاج الكتابه باسم مستعار

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

الطيب للطيب من أقراب وأجناب
دايم رفيع الذات عالي مقامه

صح لسانك
يالنادر
وصح لسان زميلك
تقبل مروري الهادي

النادر بيض الله وجهك
أنت وزميلك شعار وعلمكم غانم
مشكور لاهنت

رابح الجحدلي وبن فرهود الحربى و خالد الحصنى و ابو فياض النويمى و عيسى العوفى و نافع الحربى

صحت ابدانكم اسعتمونا بمروركم وطيب حضوركم ورائع شعوركم
كل الشكر والتقدير واطيب الامانى للجميع بالخير