يـــا زيــــاد ( مصافحه أولى )

يا زياد خلك معي لا تسري ابعيدي=واسمع نصيحه من الاعماق منشاها
وركز بها زين يا نسل الصناديدي=فـاول حروف المعاني وآخر اتلاها
وطبق كلامي لعلك تجني الفيدي=حيثي ترى امجرب الدنيا وممشاها
أبعد عن اللي ليا جاله مقاصيدي=يحكي علومً صحيحه لاكن امضاها
يقول يا صاحبي قرم الاواليدي=الطيبه يا وسيع العرف تزهاها
ولا فيه مثلك ولا يمك مناقيدي=حراً فعوله تنومس يوم نقراها
واليا حصل ما يريد وفيه تزويدي=ولا عاد له حاجةً يا هيه يبغاها
وايضاً ولا له لزوماً فيك تحديدي=يصد وفعولك اللي فيه ينساها
ويمر جنبك ولا يمك مناشيدي=تقول يمناك ما يذكر عطاياها
خله ولا انته معه مربوط في قيدي=يلقى من القوم شله ذي مزاياها
هذي هديه على وضح النقا سيدي=باحلى بيوت الشعر صاحبك غناها
صحيح ما هو من اكبار القواصيدي=بس القصيده معه ماهس مبناها
هواجسه لا بغاها له مقاويدي=ونيات فكره على كيفه تنقاها
النيه اللي على درب الاجاويدي=يمد كفه لها وايحاول ارضاها
والنيه اللي على درب المقاريدي=يحطها تحت رجلي ويتوطاها
هذي علومه ولا فيها تراديدي=ما تختلف لو كثير الناس غواها

لاهنت على القصيده

	المشاركة الأصلية كتبت بواسطة وجه الاسد

	لاهنت على القصيده

الله لا يهينك يا وجه الاسد

لك تحياتي

صح لسانك وبيض الله وجهك

لك خالص التقدير

	المشاركة الأصلية كتبت بواسطة فواز الزويهري

	صح لسانك وبيض الله وجهك لك خالص التقدير

صح بدنك يا فواز

ووجهك ابيض

واشكرك على مرورك

الشاعر القدير

عبدالرحمن السامود المخلفي

صح لسانك ورفع المولى شانك قصيده جزله من شاعر جزل ومبدع
ونصيحه وافيه يابوعبيد



تقبل تقديري واحترامي

	المشاركة الأصلية كتبت بواسطة حمدي العوفي

	الشاعر القدير عبدالرحمن السامود المخلفي صح لسانك ورفع المولى شانك قصيده جزله من شاعر جزل ومبدع ونصيحه وافيه يابوعبيد تقبل تقديري واحترامي

صح بدنك يا شاعرنا الكبير حمدي العوفي

شرفتني في مرورك الرائع

لك تحياتي

عبدالرحمن المخلفي

لآهنت على القصيده

لك مودتي وتقديري

	المشاركة الأصلية كتبت بواسطة السهم الحربي

	عبدالرحمن المخلفي لآهنت على القصيده لك مودتي وتقديري

الله لا يهينك يالسهم الحربي

تحياتي

يصح لسانك يالشاعر

ولاهنت على هالشامخه

إحترااامي’,,