سلام ياطيبين الساس .................الحاضر سداد

فواز الزويهري=
سـلام ياطيبيـن السـاس=من هاجسي والمعاني زهور
ناخذ ونعطي على مرواس=لهل الصفا وافي المسطور
ليل السهارى=
ترحيب ياكاسب النوماس=من شاعرٍ يطرب الجمهور
ابحر ونبحر بدون قيـاس=في ليل ضوه معانـي دور
فواز الزويهري=
عسا البقا وأشعل النبراس=وشرواك فالمعرفه مخبور
لي قلب دايم مولع مـاس=محتاج فني معه دكتـور
ليل السهارى=
انا معك ياصقر قرنـاس=لماح مايختلف لـي طـور
تيار عالي من الاحسـاس=فالقلب سبب عُطل محظور
فواز الزويهري=
مزن الحيا لا حلي برجّاس=وأرهيت منه الروى مسرور
حتى تعدا مـع النسنـاس=كيف أتبع اللي غدا مغرور
ليل السهارى=
الغيث وقته عسى ماباس=له نو مزنه يشعشع نـور
عديت كم فالهوى منحاس=باسباب نظره حجبها سور