الـــصــميــدي & عذب المعاني

السلام عليكم ورحمة الله وبركاته

الصميدي=
من قبل الاقوال تسترسل= مابيننا والمعاني تطيب
سلام من جانبي مرسل = ينصاك ياراعي التهذيب
عذب المعاني=
وارد سلامك علينا هل= ومن قبل نآخذ معك ونجيب
ترحيب ومعطره بالفل =ومرتبه بالوفاء ترتيب
الصميدي=
آنا ترى فيك متأمل = وماعندنا فيك شك وريب
تنظر فحالي وتتأمل = لي روح احزانها ماتغيب
عذب المعاني=
وافي وبالطيب متجمل= ومعك الوفاء ثابت التنصيب
وحتى النظر مشهده يكمل= يحتاج للمسألة تقريب
الصميدي=
كل ماانتهى للأسى محفل= فالروح يبقى صدى التعذيب
من ود يأسى ولايسأل = عيت معاه المساعي تثيب
عذب المعاني=
انت عن الود ماتجهل = الود خلى الشباب يشيب
وان طعتني لايجيك اشكل= شطب على ودهم تشطيب

صحت الالسن وبيض الله الوجيه

الله الله الله

صح ألسنتكم وبيض الله وجيهكم

لكم خالص التقدير

صحت السنتكم
والله يعطيكم العافيه
بيض الله وجيهكم

	المشاركة الأصلية كتبت بواسطة عمار الاحمدي

	صحت الالسن وبيض الله الوجيه

صح بدنك وعساك سالم

تحيتي وتقديري

	المشاركة الأصلية كتبت بواسطة فواز الزويهري

	الله الله الله صح ألسنتكم وبيض الله وجيهكم لكم خالص التقدير

صح بدنك وعساك سالم

تحيتي وتقديري

صح الله ألسنتكم وبيض الله وجيهكم

صح لسانك يا خال وصح لسان عذب المعاني والشعر حضر في اجمل صورة ولاشك انكم اهلا للحرف والفكر والرقي دمتم بخير وتقبلوا تقديري واحترامي

	المشاركة الأصلية كتبت بواسطة رابح الجحدلي

	صحت السنتكم والله يعطيكم العافيه بيض الله وجيهكم

صح بدنك وعساك سالم
تشرفت بمرورك في متصفحي
تحيتي

	المشاركة الأصلية كتبت بواسطة ماهر ابو خالد

	صح لسانك يا خال وصح لسان عذب المعاني والشعر حضر في اجمل صورة ولاشك انكم اهلا للحرف والفكر والرقي دمتم بخير وتقبلوا تقديري واحترامي

صح بدنك يابوخالد وعساك سالم
اشكرك على هذا الاطراء وهذا من بعض ماعندكم ...
لك كل الود ..