ديوان الشاعر طارق عبدالرحمن ( أبن وازن ) الجحدلي

أبن وازن =
لا قلت بكره عليا يحن = يغيب ما عاد ادريبه
ظلم الهوى اشتكيه لمن = لا زاد بالجور تعذيبه
ابو وليد =
هذا الهوى منعرف له قن = ماكثر غثاه وعذاريبه
قيس اشتكى قبلنا ونجن = درب الخط كيف تمشيبه
أبن وازن =
ساسي من الود مايمكن = ابنيه واسعى لتخريبه
لو الحكم مصدره من ظن = ما يخلف الود ترتيبه
ابو وليد =
انا ادري ان المحبه فن = واصعب من الفن تداريبه
ساسن بنيته يابن وازن = احذر من الشك يغديبه

ابن وازن=
سلام مبدا علوم ثقال = من قلب اختل ترتيبه
لولا الهوى مشتكينا الحال = والجرح حزات تليبه
ابوماجد=
يامرحبا وللثقال ارجال = اتوسم الحق وتجيبه
وضح معانيك بالامثال = لجل الدواء نوصفه بطيبه
ابن وازن=
كم لى معه في هوى ميال = وما حب بعد وتغيبه
وتدري المزن فالسماء جوال = اخاف يمطر ويغويبه
ابوماجد=
خلك على نهجكم في اوصال = ودرب الوفا دوم امشيبه
وان كان وده لكم مازال = الغيم ما ظن يسريبه
ابن وازن=
هب الهوى للموده اغتال = غير بناء الود ترتيبه
ما صابني فالهوى زلزال = كل يوم زايد بتعذيبه
ابوماجد=
دام الهوى غير الاحوال = واصبحت تشكي اساليبه
لا عاد توقف على الاطلال = ما دام بانت الاعيبه

ابن وازن=
من حقي ان قلت ياكافي = للى جري بيننا منجد
بعد المشي قايله حافي = يسألنى ليه الوفا ينمد
بخيتان البشري =
إجعل لحاف الوفا ضافي = في قيض والا فعز البرد
راعيه يبقى علم وافي = له ذكر بين الرجال يعد

أبــــــــن وازن =
هب الهوى فالصدر واجبر = القلب يكتـب تفاصيلـه
ياليت سالم على المنبـر = في مسرح الود واشكيله
سـالــم الـبـشـري =
يبشر بي اللي أتى واخبر = عـن أمنياتـه أباجيلـه
وابذل له الجهـد لاعبّـر = قلب العنا عـن تهاويلـه
أبــــــــن وازن =
لي قلب ياكيف به تعبـر = شمعه عساهـا تضوّيلـه
بعد الاسى انكسف وادبر = نور القمر هدّلـه حيلـه
سـالــم الـبـشـري =
راع العزم لاسعى يظفـر = لاتترك الوضع في ميلـه
والآن قبل الأسـى يكبـر = قلّي لمـاذا طفـح كيلـه
أبــــــــن وازن =
يمكن عزول الهوى اثـر = بلعبـه وزانـة موويلـه
ولما زرع الوفي واثمـر = اليوم يحصـد محاصيلـه
سـالــم الـبـشـري =
لاقيـس وفّـر ولاعنتـر = كثير من تـاه بـه ليلـه
واليوم لاعـاد تستكثـر = لاطـال هيبـة رياجيلـه
أبــــــــن وازن =
افيدنـي بعلـم مستعثـر = من يمـك العلـم تويلـه
اللى سمع علمي وفسـر = اكيـد ينجـح فتحليـلـه
سالم البشري =
لاتجهد النفس وتفكّر = والقلب لاتزيد تحميله
والمجتهد لاحكم يُعذر = ان كان وفى مكاييله
أبن وازن =
ذا قيس مجنون بالمؤثر = وعنتر لقد تم تنقيلـه
واخوك لو زيهم يسهر = يشكي من الود تفعيلـه
سالم البشري =
هذا مثل حين مايُذكر=له بُعد فكري وتحويله
وكلن حسب وجهته ينظر=للقيل ويقول صاحيله
أما الذي فبالكم يخطر =من ود كلٍ يناديله
راعيه محشوم ومقدّر=شاعر ومعروف في قيله

أبن وازن =
يا تاج راسي ودايم فوق = دايم على الراس متعلي
نار الهوى تشتعل من شوق = واللا من الود يخلي
عبدالحميد =
غالي ولك فالمعاني ذوق = وبكل الاخلاق متحلي
الود غريزه يسوقك سوق = عن طاعته منت متخلي

أبن وازن =
يحرقني الود من شانه = نتبادله والبناء مهدود
كان البناء اهتزته اركانه = اللى انكسر ياتري بيعود
عبدالحميد =
الكل بعقله وميزانه = يستقبل اللى حصل ببرود
الخيل في وسط ميدانه = لمروضه يضاعف المجهود
أبن وازن =
زادته على القلب نيرانه = لجل الحقيقه عليه سدود
يشارك القلب احزانه = لا جبت طاري عن المقصود
عبدالحميد =
توفي = رحمه الله عليه

أبن وازن =
سـلام والكـل يغلـونـك = عبود جوده من الموجـود
بين العرب صدق يطرونك = جاتك على الصمد بالمولود
عبود =
ترحيب والكـل يبغونـك = لجلك من اهل الوفاء معدود
وانا مـن اللـي يهنونـك = لوكان تقدر عليـه تـزود
أبن وازن =
عسى البقى دوم فمزونك = وتولد معك ثانيه وتعـود
واشوف فرحتك فعيونـك = وكل الخلايق عليك شهود
عبود =
دامك معي تضحك سنونك = وذا غاية القول والمقصود
صعبه على اللي يردونك = وهات الاسم لاخر العنقود
ابن وازن =
عيني مع القلب يشرونـك = وقدرك على الراس ياعبود
مشاعر القلـب يدعونـك = هب الهوى بالموده ردود
عبود =
لوتطلب الروح من دونك = ماردها فالليالي السـود
وانا من اللـي يودونـك = ونفك باب الهوى بحدود
أبن وازن =
عـودك نشـف كـيـف يلـوّنـك = ولـــو الـحـبــل زوده عــقــود
بيـن العقـل شعـره وجنـونـك = وعقد الحبل وانكسار العود
عبود =
ذا عـود راقـت بـه متنـونـك = واتجملـت والشـقـي مـوعـود
فـمـقـايــســه مـــــــا يــهـــزونـــك = وانت سوات الجبل جلمود