ياأصحابنا جيت أعايدكم

ابوصايل=
إن جاز قلنا من العايدين = ياأصحابنا جيت أعايدكم
قلوبنا بيض متصافيـن = وهذا الأمل في سريرتكم
ابو نايف=
محسوب في حسبة الغالين = وانـا كذلـك فحسبتكـم
والدرب نمشيه متساويـن = وعسـاه عايـد لحبتكـم
ابوصايل=
عساه عايد عليك سنيـن=يسعد صباحُـه سعادتكـم
على الصفاء فالقسى والين=محتاج وقفـت سيادتكـم
ابو نايف=
آمين حتى ليـوم الديـن=ويسعد مساؤه :سلامتكـم
وصاحبك وقت اللزوم يبين=ومصيبته مـن مصيبتكـم
ابوصايل=
لا شك ياراعـي التثميـن=ولا لي غنى عن مشورتكم
الكل ملاحظ نشاط "السين"=ياهل الصفا كيف دبرتكـم
ابونايف=
محتاج رسم المثل تمكين=حتى على الشور ننعتكم
وراع النشيطه يدبر زين=وش هونشاطه فنظرتكم
ابوصايل=
باعو وكنـا لهـم شاريـن = ياعزوتي ويش نصيحتكـم
اليوم صارو لنا داعيـن = وقال ((انتشرف)) بحضرتكم