ديوان الشاعر/ عبدالله عبد الرحمن نغيمش الفريدي

مل قلب يلتمس فيه سلكين الغرام=ألتمس سلك المحبه مع اسلاك الجفا
والجفا بين المحبين ياخلي حرام=مثل ماني لك وفي يفترض منك الوفا
لد يمي بالنظر كان ماحصل السلام=واشهد انك لو تبسمت في وجهي كفا
كيف لو تهديني الورد مع همس الكلام=غاية المطلوب وإيتم للقلب الشفا
قلبي اللي ما بقا منه ياكود الحطام=من ثمان اسنين مامر في لحظة صفا
ان غمرت القلب بالحب يابدر التمام=طاب جرحي والنظر يانظر عيني غفا
وان قطعت الوصل ماجاك من يمي ملام=تبتعد يازين ما قلت لك يازين أفا
منهجي يازين الاوصاف منهاج الكرام=ماتبعنا من نوى الصد واعطانا قفا

جمعت لي من عقب شيبت قرشين=دين على دين وفاه التقاعد
اسهم وفيها غير الاسهم معاوين=من الرفاقة والخوي والاباعد
ومشيت كني مالك خزنة الصين=ماكني الا اشيلها بالسواعد
في راسي احلام لها عدة اسنين=ابا اشتري من فاخرات المقاعد
يممت لي صالة عليها عناوين=للي سهمهن بين الاسواق صاعد
اسعارنا تبدأ بثلث الملايين=نادا عليّ البيه والبيه قاعد
ونزل عليه صوت هاك المنادين=مثل نزول الصاعقة من رواعد
قلت اخذوا الدفعة وباقيه بعدين=اقصاد شهرية واحالف واواعد
دقدق على الكيبور مرة وثنتين=وقامت آمالي كل مالي تباعد
ناظر... وقال آسف مافيهاش تمكين=عليك قرض وراتبك مايساعد

لك الحمد يالبارئ لك الشكر يامنان=لك أكفنا ترفع ثنا وانت راع الجود
وقيت الأمير الشهم من حيلة العدوان=وقيته وعافيته وكافيته البارود
عقب ماحفر له حفره الغادر الخوان=نجا والشرك وقع به الحاقد المقرود
تربط ابليس وجا امداوم عن الشيطان=ابو قرن يبي في قرونه يهد الطود
لو إن الجبان اصلاً مهو ند للشجعان=تعثر بثوبه من نظر سيفنا المجرود
عطاه الأمان وقال فكوا له البيبان=لعله صدوق بتوبته للصواب ايعود
ولكنّه امجهز بكتله من النيران=حملها مثل حال البعوضة مع النمرود
تحامل على روحه ولاهوب راع إحسان=بنفسه قتلها شر قتله فعل مقصود
ينفذ وصايا افكار ضحله وضعف إيمان=سرطان في جسم البلد شرهم محشود
لهم شرع ماهو حق ماسنه الرحمن=هلاك النفوس وقتل الأنفس بغير احدود
مع انه محرم فيه نصٍ من القرآن=مصيره جهنم حيث يكتب له الخلود
على العز يامحمد على العز ياكحيلان=على العز يأميرٍ رقى بالأمن سنود
يسجل لك التاريخ في صفحة الزمان=بتطوير الأمن ووقفة الجد والصمود
بوجه الوجيه الباغية طغمة الطغيان=تقص اليدين العابثة والنوايا السود
قيادي كفو بالأبن والأب والاخوان=دروع الوطن عز المواطن عيال العود
شعرت بسعادة يوم انا اتابع البيان=من الكلمة اللي قالها والملك موجود
يقول اطمئن ياسيدي فالعدو منهان=تطاير على سبعين قطعة قليل الفود
خذوا منه عبرة ياهل الزيغ والنكران=خذوا منه عبرة ياهل البغي والجحود
وابا ارفع ايديني واطلب الواحد المنان=يعز الوطن وإيعز حكامه آل سعود

لك الحمد يالبارئ لك الشكر يامنان=لك أكفنا ترفع ثنا وانت راع الجود
وقيت الأمير الشهم من حيلة العدوان=وقيته وعافيته وكافيته البارود
عقب ماحفر له حفره الغادر الخوان=نجا والشرك وقع به الحاقد المقرود
تربط ابليس وجا امداوم عن الشيطان=ابو قرن يبي في قرونه يهد الطود
لو إن الجبان اصلاً مهو ند للشجعان=تعثر بثوبه من نظر سيفنا المجرود
عطاه الأمان وقال فكوا له البيبان=لعله صدوق بتوبته للصواب ايعود
ولكنّه امجهز بكتله من النيران=حملها مثل حال البعوضة مع النمرود
تحامل على روحه ولاهوب راع إحسان=بنفسه قتلها شر قتله فعل مقصود
ينفذ وصايا افكار ضحله وضعف إيمان=سرطان في جسم البلد شرهم محشود
لهم شرع ماهو حق ماسنه الرحمن=هلاك النفوس وقتل الأنفس بغير احدود
مع انه محرم فيه نصٍ من القرآن=مصيره جهنم حيث يكتب له الخلود
على العز يامحمد على العز ياكحيلان=على العز يأميرٍ رقى بالأمن سنود
يسجل لك التاريخ في صفحة الزمان=بتطوير الأمن ووقفة الجد والصمود
بوجه الوجيه الباغية طغمة الطغيان=تقص اليدين العابثة والنوايا السود
قيادي كفو بالأبن والأب والاخوان=دروع الوطن عز المواطن عيال العود
شعرت بسعادة يوم انا اتابع البيان=من الكلمة اللي قالها والملك موجود
يقول اطمئن ياسيدي فالعدو منهان=تطاير على سبعين قطعة قليل الفود
خذوا منه عبرة ياهل الزيغ والنكران=خذوا منه عبرة ياهل البغي والجحود
وابا ارفع ايديني واطلب الواحد المنان=يعز الوطن وإيعز حكامه آل سعود

من بين خضر المحاني ترعد المزنه=واسبشرت في مطرها بيض الاوراقي
لعلها تخرج الانسان من حزنه=وعلى صداها لصمته يكتب اعتاقي
نبي نفتش زوايا روحه الرزنه=ماهوب هين على روحي الى ضاقي
صاحب وغالي وله قدره وله وزنه=بالمختصر ماكره في جوف خفاقي
صرفت من عيلم بالجوف مكتزنه=اصرف ولا اصرف له الا النادر الراقي