ديوان ألغاز الشاعر / علي بن زيد الفريدي (رحمة الله عليه)

ويش رجل حولوه لرجل ثاني = ثم تحول بنت في لحظة زواجه
ثم تحول رجل في عدة ثواني = يوم جهز للمنيه والمواجه
وكلما غير يسمى بالفلاني = ولايتزوج ويتسمى في مزاجه

الطحين والماء من ولد الحصني

فيه بنت سولفوا عنها خرافه =وانسبوها للزعيم اللي حملها
قالو ان البنت مافيها مرافه = وقالو ان البنت ماخانت بطلها
علمها مضمون باسباب العسافه= ماتحول غير تنجح في عملها

\

شلفا ذياب من غدير الوهبي

اتشدك عن بنت لها صدر واذراع =بنت بلا رجلين لكن لها راس
لها بنات وشربها عدة انواع = ولها نفس ويضرها كتم الانفاس
وعيالها متخالفين با لاطباع = ولها عروق وكل شريان حساس

مكينة السيارة من ابوهليل

انا بانشدك يالطيب عن واقف مانام =وليا منه تمدد ينتهي فعله ومنفوعه
لقيت اسمه على فعله لاهو خلفي ولاقدام= نحيل الجسم ياطيبه عليه حمول مرفوعه

واصط بيت الشعر من ابوعزام

وشبنت ابوها البليده = لكن ابوها ضللها
سوتها لبوها عيده= قي بطن ابوها ماجملها
لاقريب ولابعيده =وبعض خلق الله يجهلها
يازبن البر وشديده = رح دور عيده واسئلها

بيت الشعر من مهجرس الحرف

وشقبة من حديد ببيت مكرمها = يسكن بها اعيال بنت علمها طيب
تبدلت واختفت والوقت ظالمها = سكانها غادروها والمدى قريب

عمرة الفناجيل من مهجرس الحرف

وشا الاصيل اللي وفي وتركناه = حتى اسمه المشهور ماعاد نطريه
واخوه معنا له معزّه وله جاه = اصبح شعار نفتخر به ونغليه
والاقديم العهد غاب ونسيناه = حتى التراث وما حوى صار ناسيه

حله/ مشلح البيدي

وشفتاة فعلها مأحد جهــل بـه = سرّها ياجاهلينه في شــقاهـا
كل طيب في مقرّه تشتـغل بــه = ثم تجيب اللي يغذي من غذاها
الجميل تجيب من مكنون قليه = والزعيمه تنتظرها في رجـاهـا

==حله / النحله == عبدلله الفريدي

وشــهواللي لو تشوفه مالبسـته = وان لبسته فوق جسمك ماتشوفه
البسوه اهل الكرم ونته لمستــه = من قديم وهي مع الناس معروفـه

=محلول= الكفن من الحب الباقي

وشهو اللي لوقريته ما كتبته = وان كتبته ياعميلي ما قريتـــــه
ان ركبته قالوا انك ماركبتــه = ون فهمت اللغز قل لي ما لقيته

=محلول=الماءمن نداء الغيداني