ديوان ألغاز الشاعر / علي بن زيد الفريدي (رحمة الله عليه)

ويش رجال على غفله تنفس = وانفسه عقب على جاره مضره
ان تبين شر لين انه يخفس = جعل رب صلطه يبعد بشره

الحل مفاعل تشرنوبل من معجب الحربي

انشدك عن رجل ليا جيت حوله = تكسب حدى الثنتبن مانته بخسران
والثاني اللي يوم تعبوا وجوا له =اللي كسب ثنتين ماهو بربحان
كلام سابق كل عاقل يقوله = واللي يقوله له دليل وبرهان

الحل حامل المسك ونافخ الكير


من وجودك

ويـش الـذي يومـر وفي فعله العنف = ولاينفع الا فـــي يمين تشيلـه
ليا عجزت اخته نابها بفعله الصلف = ولاهو بغايه لكن انه وسيلــه
ليا ارتفع ما ضــر وليـا نـزل هــلف = ويمنى مفرق من تجمع دليله

الساطور من ابوهليل

انشد عن اللي وين ما عشت تدراه = واجب عليك وواجب انه يداريك
الله عليــــك بكــــل الاديـان وصــــاه = وانته عليه بكل مذهب مـوصيك
من الشهامـــــه مـــا تعقّـب خــطاياه = ومن المــروه مايغثـك ويـوذيــك

الجار من مضحي

انشدك عن رجل وقف موقف شجاع = يصمد لضارية السباع الجايعه
لكن بطبعه لايطيع ولا يطاع = والعهده اللي يستلمها ضايعه
لاينفع مهاجم ولاينفع دفاع = ولايطلب الفزعه ولا له شايعه

المخيول من غدير الوهبي

انشدك عن ورع على صاحبه طوق=مثبت رجل عروقه تشده
رجل تعلا حامل الحمل من فوق = اللي خدم رجل بيسر وشده
ورع ضمن ثلاثة كنها عروق= والكل باسم وثابت عند حده

	المشاركة الأصلية كتبت بواسطة غدير بن فهد الوهبي

	صح السانك يابو خالدوالله لغزك مشربك بين الشداد والحقب والبطان والرسن

يامن عرف بنت تغطت عن العين = تشابه الفنجال واكبرشويه
لياكملن ثنتين للحرمه يدين=حرمه قديمه كلها قابليه
وتجودن بلين والناس ماشين=في حرمه اخرى فوق وسق المطيه

القلواه من غدير الوهبي

يامن يخبرني عسى الله يقويه =عن العيال الصامدين الصناديد
اللي عملهم غيرهم مايسويه =وااكثر عملهم بالصحاري وبالبيد
مع عودهم وان قام تجودوا فيه= وكلن ثبت من عقب جلد وتحديد
يجلدهم اللي كل واقف يمشيه=مع الوطى من دون شرط ولاقيد

الاوتاد من سعد الحصني

اذاكان عبد للكرم طوعه عمه =مضافة ارجال كلهم ما يحبونه
توصط بقلب العاصمه تقل بالقمه=ولاهمه اضيوف الشرف لويهينونه
لياحان وقته شفت به ناس ملتمه==وليا صدروا مقفين قاموا يسبونه
اذا انك عرفت العبدبالاسم لي سمه= ترى العبد مات وحالت اسنبن من دونه

الحل ثليم من غدير الوهبي

يامن عرف بنت تأدي عملها= باوصط اعيال ويدفع البنت حرمه
تدخل صفوف اعيال على مهلها = وتحطهم نصفين ليدين قرمه

الحل المنشازة من غدير الوهبي