ديوان ألغاز الشاعر / علي بن زيد الفريدي (رحمة الله عليه)

	المشاركة الأصلية كتبت بواسطة ابوخالد الفريدي

	وهذ لغيز اهوين اللغز عن بنتين في جنب الطريق = متقابلات ويصنعن المعجزه من مركز التفتيش كلفهن صديق =يراقبن اللي سمح له وانجزه من عقب طحن وعجن حده للمضيق=واللي يخالف رجعه والا حجزه

الحل اللوزتين من ابو جراح

لغز للي عمره دون العشرين سنه

انشد عن اللي يطرب البال طاريه = له عدة اسما للجميع معروفه
له اسم واحد فارق بين اساميه = ليازال ربعه زال باقي حروفه

الحل الغزال من سامي الفكر

انشدك عن رجل كريم المحيا =اللي على شيب الغوارب تشوفه
ليا بغيت الفايده منه حيا=فوايده بين الرجال معرفه
ستر الرجال وعزّهم ون تهيا= ينجب ارجال وبنت للي يحوفه
ليا عكست اسمه طلع شي سيا = يصبح مرض وايضا ثلاث حروفه

الحل الوبر من وجودك يكفي

اللغز جاكم عن خفيه مضره = اللي على البنت الوفيه ضررها
مادامها في قلبها مستـقــره = تصبح خفيه ويتنامى خطرها
هجومها على الحبيبات غره = لازم تدارك شرها وتحصرها

الحل سوسة النخل الحمراء من ابوهليل

	المشاركة الأصلية كتبت بواسطة ابوخالد الفريدي

	انشد عن ارجال ثلاثه عددهم = واحد صدق وثنين كذبوا على الله اثنبن قالوا رزقهم من جهدهم =والثالث افتى صدق باللي حصل له عقب المرض والفقر جاهم سعدهم =واللي فحصهم شاف فرق الجبله

الحل الابرص والاقرع والاعمى من وجودك يكفي

اللغز عن رجل تنفس بلا روح = اللي شهيقه ثابت مع زفيره
لكن زفيره فيه متعه ومصلوح =ترتاح ليا منه تتابع شخيره

[/quote]

الحل المكيف من ابوهليل

اللغز عن ورع صغير ومحكوم = مهمته بالطيب يسجن بناته
تلقاه بيدين الريجيل محشوم= والضعف والقوه من ابرز صفاته

[/quote]

الحل خيط السبحة

وشبنت يوم اتذكرها وتطرى لي =اوصافها تقل خشم انسان ياكافي
مكانها دايما بالصوح بالعالي = اللي عملها مغير تراقب اللافي

الحل الطرمه (نافذة في بيت الطين ) من العبد الضيف

لقيت شي جميل ومنظره زايف = ياهل المعرفه تعدى الزيف عن حده
لياعرفته تركته قانع عايف = لو المزيف طويل العمر والمده
تشوف زيفه وتضليله وانا شايف=وتقدمه للعزيز بساعة الشده

الحل الورد الصناعي من غدير الوهني

انشدك عن شي تجيبه ويحكمك = تمشي عالى رايه ولاتعصى عصاه
اسمه مونث وتحشمها وتحشمك= خوي وافي بس تخطي من خطاك

الحل الساعة من العبد الضعيف