سرور وحـرب .....بيان الصمت وماهر ابو خالد

سـرور البشـري و حــرب =
مـدام جـو الصفـا مغـري =بوجود مـن ودهـم شاريـه
سـلام واللـيـل لايـسـري =قـدام نأخذ ونعـطـي فـيـه
بيان الصمت و ماهر ابو خالد=
جينـا لمـد المثـل نجـري =ترحيـب منـا لكـم نبديـه
بعـد انقطـع بثهـا بـدري =بين الجمل والتهم والتيـه
ســــرور و حــــرب =
عسا البقـا والمثـل دغـري =واش لك تجيب الجمل طاريه
اشاهـد الجـرح يستشـري =لي عام محتـار وش يبريـه
بيان الصمت و ماهر ابو خالد =
تاريخ ملـزم لنـا حصـري =راع المواقيـف نستوفـيـه
واللـي يـدور دواء يبـري =يلقـاه لابــان مايخفـيـه
ســــرور و حــــرب=
والسبعـه انعـام بالبشـري =اللي على الطيب من ماضيـه
ولاتقول باللي حصل مـادري =وانته معي بالنظـر ترعيـه
بيان الصمت و ماهر ابو خالد =
كل شي فـي وقتنـا محـري =وكلاًّ حسب نظرتـه يرجيـه
احسب حسابك لمـا يطـري =هات المعالـم وخـذ توجيـه
ســــرور و حــــرب =
الواقـع المؤلـم الـمـزري =اخـاف ذاك الجسـد ينهيـه
وشـرواك ياعالـي القـدري =لاشـك هـذا الامـر يعنيـه
بيان الصمت و ماهر ابو خالد =
مايختلـف موقـع الوكـري =ويناظرالوضـع مـن عاليـه
مقياسنـا سـورة العصـري =والرفق محمـود فـي تاليـه