ديوان الشاعر فايز نافع الاحمدي

تحياتي للجميع

مشاعر الود كيف تهون=لاعبرت عن خفوق محب
يلعبها اللي عليها يمون=ويطشها في عظيم الكرب

لا واوجودي على الايام=ماباقي ألا تواليها
كثيرها لو حسبت أوهام=وقليله أرباح راجيها

في باديء القول
أشكر وأجزل الثناء .. على من صنع هذه الصفحة
الغالي الحب الباقي ..
فله جل الشكر ..

الغالي والعزيز أبو رغد ..
هو مدح صديق قريب ..
قرأ مابين تلك السطور ..
ليروي عن ابداعاتك ..
ملكاً للكسرة .. ومتقلداً بـ وسام التميز ..
كن بالقرب دوماً ..
لنرتوي من رحيق احساسك ..


وليد

غزة تقاوم عظيم الجيش=بكامـل معـدات حربيه
وحنا نفاوض على مافيش=شجب وشعارات وهميه

أخي وليد أسعدني حضورك وتشريفك للديوان

الف شكر أبن عمي وعساني ما أعدمك يالغالي

كيف التقي للملايم درب=واجمع شمل قلبي وفكري
لاسار كلاً خياله خصب=وعنده من الحس مايغري

ياهاجسي ماكفاك سنين=وانا أسيرك وحاكمني
خصمي وقاضي بنفس الحين=وبكل الاحوال ظالمني

نشوة فرح ليلها بـراق=تسربت في حمى غلبي
اخذت معها إلى الإشراق=مع ثورة الشوق في قلبي

عاد الامل وانفتح له باب= وجانا معه من نسيم الود
لكن اسايه على مرقاب=من يوم شافه وقفله ضد

وش له سبب يالذيذ النوم=طاوعت غيري وتعصاني
في عيونهم بالهنا مرسوم= وعن عيني تغيب بالعاني