( اللي على العرف قرناسه ) إلى الشاعر همس القوافي

علي عيد البشري=
سـلام والطيـب مقباسـه=ينصى رجال الوفاء والمجد
اللي على العرف قرناسـه=من ساسهم للمعانـي عـد
همس القوآفي=
باللي على الطيب من ساسه=ترحيب ما ينحصـي بالعـد
دام الوفاء لاهلـه وناسـه=عسـاك يالاجـودي تسعـد
علي عيد البشري=
يامقدم الشهد في كاسه=عسا البقا ياجزيل المد
احوال بلحيل منحاسه=ابغاك تاخذ معي وترد
همس القوآفي=
معك الوفاء هب نسناسـه=والطيب ما ينحصيله حـد
هات السبب واعرف قياسه=يا من لكم فالمعانـي يـد
علي عيد البشري=
يامن لكم عرف وسياسه=مانشتكي من نحيل القد
جانب اسى عكر اوناسه=صابر واقول الفرج فالغد
همس القوآفي=
المرء عايش على انفاسه=ما يعلم الغيـب وموحـد
والوقت علمني ادراسـه=ان الامل باب ما ينصـد

الله علييييييييييييكم..
صحت السنتكم وبيض الله وجيهكم..
بدع ورد عآل العآل ..
سميي علي البشري و همس القوآفي والله امتعتونآ يآدكآترهـ..
لاعدمنآكم ولاعدمنآ ابدآعكم..
وتقبلو هـ التنسيق المتوآضع من اخوكم ادري انه مو حلو بس يالله ابلعووهـ ..
ودي وتقديري واحترآمي واعجآبي..
علي العبيدي..