ديوان كسرات الشاعرة شموخ الصبر

ياريح هبي على خلي = من شان يذكرليالينا
ياشعرفي هاجسي قلي = لاراح منهو يسلينا

سمعت قمرية الوادي = مغردة وقت عصريه
تحن بالصوت و تنادي = متى متى تنوى الجيه

ياناس موج الهوى غلاب = اللي تمكن من احساسي
كيف البصيره معه ياصحاب = المؤلم الجارح القاسي

حظي عرفته مع الايام = بانت مواريه ووصوفه
باكر اشوف الامل قدام = ويداوي القلب من جوفه

ياللي تعمدت تهجرني = والبعد بالحيل يحلالك
ما يوم فكرت تذكرني= الله يجازيك بفعالك

لولا الهوى شاقني مابنت = ولا كتبت لا جلكم كسرات
ياعالي المنزله لاهنت = يانجم ساطع على القمات

الحرف من نشوته قلي = مرهون في امرك ويدك
بالود امسيت متعلي = ياصايغ القاف من قدك

ماتدري انه رحيلك صعب = وحروفكم اثرت فيني
صحيح قافك يثيرالرعب = لكن عن الخلق مغنيني
تلعب بكل القوافي لعب = ياساكنٍ في شراييني
حسيت فرحه بحروف الشعب = مادام ناوي تخليني

ياللي لك حروف رنانه = والقلب تعبان من شانك
انت الوفا انت عنوانه = ومن حرها تموت عدوانك

ياكم سمعنا كلام اغراب = بالحيل ياخوي مؤذينا
سبب لنا في الضمير ارهاب = ياكيف تهنا ليالينا

الشاعرالمبدع الحساس = تملك القلب باحساسه
له حرف يطرب جميع الناس = ومايمل ابد منه جلاسه

من صافي الفكر والاحساس = اكتب لي حروف رنانه
مايهمني حاسدين انجاس = خوفي من الله سبحانه