دستور ياشعار دستور دستور= اللي يجي منكم يسج المكاتيب

الأخ العزيز والشاعر العذب جميل حميدان العوفي
اشكرك على هذه الأبيات الجميلة
وانني أتشرف ان أكون أنا اول المشاركين
من الشعار تلبية لطلبك : تحياتي وحترامي

هلاهلا ماسطّر الشعر بسطور = تحيةٍ بالطيب واشعارها الطيب
تحيةٍ لهل الوفاء كلها نور = تشرق بها شمس الثناء والتراحيب
قريت مطروقٍ من الشعر له دور = من شاعرٍ يصخر جميل الهناديب
حنا ترانا خوان وابليس مقهور = لنا وعلينا مع بعضنا مواجيب
اليا اجتمعنا نبني اصروح وقصور = مشيّداتن محكمات اللواليب
والحق لهل الحق يعطى على الفور = وليا عطيت الحق ترى ماهو عيب
ترى الصداقة بيننا تبني جسور = نرقابها العالي بليّا مقاضيب