فالناس عقال تقنعنا =في مجلس الحق ما تهفي ( بيان الصمت / فواز الزويهري)

السلام عليكم ورحمة الله وبركاته
أقدم لكم هذا اللحن الذي جرى الليلة بيني فواز الزويهري
وبين مستشارنا وشاعرنا القدير بيان الصمت
أرجو أن ينال القبول والرضى
لكم خالص التقدير

بيان الصمت=
سلام راعيه يتمعنى=من قلب يعطيك ما يخفي
يحمل شذا من مرابعنا=دايم على الطيبة يصفي
فواز الزويهري=
ترحيب والطيب يجمعنا=حالي سواة العسل يشفي
هات المثل قول وامتعنا=حنا عن الحرف ما نغفي
بيات الصمت=
أهل المعاني على المعنى=بالحرف من عرفها تضفي
لكن تحدر إلى الأدنى=بعد انفتح بابه الخلفي
فواز الزويهري=
حنا نخالفك .. واقنعنا=باللي تقوله مع الوصفي
ما كل بيعه لها سمنا =مدلول دعواك ما يكفي
بيان الصمت=
الناس بالطيبه تعنى =حسب الذي كان في عرفي
واليوم يسراهم اليمنا =للحق مهما حصل تنفي
فواز الزويهري=
فالناس عقال تقنعنا =في مجلس الحق ما تهفي
واللي تجنب مجالسنا =عده عن الطيبه مقفي

صحت السنتكم يا عمالقه وبيض الله وجيهكم لقد ابدعتم لاهنتم جميعا

صحت السنتكم
والله يعطيكم العافيه
بيض الله وجيهكم

صحت الألسن على ما سطرتموه من ابدااااع راااقي



بيض الله وجيهكم



تقديري

الجراري

	المشاركة الأصلية كتبت بواسطة القلب الابيض

	صحت السنتكم يا عمالقه وبيض الله وجيهكم لقد ابدعتم لاهنتم جميعا

صح بدنك وسلم غاليك والله يبارك فيك

لك خالص التقدير

صحت اللسنتكم يامبدعين
محاوره رااااااااااااائعه

الله يعطيكم العافيه

	صحــت السنتكــم دمتم برعاية الله وحفظة

صحت السنتكم وعلا شانكم
اخوي فواز الزويهري
بيان الصمت
ابدعتم بدع ورد
عساكم على القوه
احترااامي

	المشاركة الأصلية كتبت بواسطة القلب الابيض

	صحت السنتكم يا عمالقه وبيض الله وجيهكم لقد ابدعتم لاهنتم جميعا

صح بدنك يالنشمي

اسعدني تواجدك الكريم

لك خالص التقدير

صح الله السنتكم وبيض الله وجيهكم
محاورة ممتعة ورائعة بروعة شعرائها الكبار
تحياتي وإحترآآمي لكم