غربة الترحال ..والعطاوي (الاطلال)

الاطلال =
سلام يا غُربة الترحال=يا حرف راقي بإحساسة
بعد التحية وكيف الحال=أبغى الإفادات حسّاسة
فالي يتاجر براس المال=في سوق والعينة ماسة
لاصار شايف عليها إقبال=في ظنكم يعلن إفلاسة
غربة الترحال=
ترحيب ماينوزن بأثقال=ولايبلغ الحي مقياسـه
للشعر واهل الشعر ينقال=ومايطفي الوقت نبراسه
التاجر اللي من العقـال=كل الحسابات في راسه
بالحكمة يساير الاحوال=ولـيبدّل الدُرّ بنحاسـه
الاطلال=
عسى البقى ياعريب الخال=للشعر صقره وقرناسه
قنّي الجواهر بدون إهمال=والدُرّ لُهْ أهلُه وناسه
أشوف وسط الحراج جدال=والتاجر فغير مجلاسه
كِنْ المسافة عليه أميال=وبريقها يذهب نعاسه
غربة الترحال=
الشعر كيف وصفاوة بال =وهبة مع علم ودراسه
اما الجواهر وبعض اللال =تزيّن من ناس لباسة
والتاجر اللي عذابه طال =وزداد همه وهوجاسه
له الكرامة وطيبة فال = يزول بعد الشقا باسه

صحت السنتكم وبيض الله وجيهكم محاورة رائعة من شعراء اروع
تقديري واحترامي للجميع

صـــحت الالسن

بدع ورد قمه في الروعه ولحن جميل

لاهنتووو وبيض الله وجيهكم




تقديــــــــــــري واحترامـــــــــي

	المشاركة الأصلية كتبت بواسطة مشعل النويمي

	صحت السنتكم وبيض الله وجيهكم محاورة رائعة من شعراء اروع تقديري واحترامي للجميع

يصح بدنك ويسلم غاليك ...اشكرك اخي لمرورك
وردي وودي