ياونتي بالروح مااصعب ادواها

ياونتي بالروح مااصعب ادواها

ياونتي بالروح مااصعب ادواها = فيها صناديق الظماير يضيقن
وياطي حالي طي طيٍ طواها = طي الحديد اللي تقدم به الفن
عيني سهج رمانة الخد ماها = ذوارفٍ من ما حشرهن يميعن
الأرض ضاقت ما حملني فضاها = علي وسيعات المعابير ضاقن
الشيب كحلي الضفاير غشاها = قامن على سود الضفاير يلوحن
ومن لا يحسّب للأمور وخفاها = خطرن عليه بتالي الوقت ينجن
أما صبر والصبرحاله براها = ولاّ تكلّم ولحم الشن بالشن
شكيت أنا الدنيا على من شكاها = وعطاني العلم الصحيح المبطّن
قال احترص والكبد برّد ضماها = مدام تقدر والمصادير يردن
دنياك غدارة من اول صباها = دايم على الاجواد رمحٍ مسنّن
تمشي على غير الهوى في هواها = واسنينها بالخير والشر يطون
أزريت أميز غيضها من ارضاها = ضاع الدليل وفيه الاشوار تاهن
مرّ النهار وقصتي ما قراها = إلا شفق خرسٍ على الصم يِقرن
عشقت لي عيطا رفيعٍ حجاها = ونا صغير السن سبعٍ يشحّن
من دونها حالي طواها عناها = عشرٍ على عشرٍ وعشرٍ يزيدن
عشرٍ ألاعبها على مستواها = وعشرٍ تلاعبني والانياب يبدن
وعشرٍ تحاكمني بحكمة قضاها = ولا من سلامة والمحاديب يكون
ملّيت من دنياً وسمني جفاها = وسمٍ بغضات اللواجي تمكن
لواهني من باعها مشتراها = لو يربح الدولار من عملة اليَن
نفسه على خير المكارم حداها = في طاعة الله قبل الايام يقضن
كم واحدٍ له حاجةٍ ماقضاها = يريدها مير المقاديرعيّن
قضا حياته في حراوي رجاها = واليا ذكر له حاجةٍ قبلها ون
جاه الكبر والشيب حاله شواها = فارق اصباه وفيه الايام بارن
وكم واحدٍ جزل المعاني حواها = يضخر بيوتٍ بالمواجيب يافن
نفسه يحقق بالنوادر امناها = بمهندساتٍ لاندبهن يطيعن
وكم واحدٍ بالسيف داره حماها = على الكحيلة كنّه السبع بالجن
كم سابقٍ في حد سيفه رماها = بمصقلٍ منه التراقي يجضّن
وكم واحدٍ ناره ينادي سناها = ودلاله عن جمر الغضا مايتوارن
صفرٍ على نار الكرامة جذاها = بالهيل والبن اليماني يفوحن
من بن صنعا حبها قدر ماها = بمغريفاتٍ يزهن الهيل والبن

صح لسانك يانافع الحربي

وماشاء الله عليك انت والجزاله رفيقان في كل ماتكتب

عادتك بارك الله فيك

صح لسانك واعتلى شانك على هذه الرائعه وتقبل تحياتي

كم واحدٍ لـه حاجـةٍ ماقضاهـا=يريدهـا مـيـر المقاديرعـيّـن
قضا حياته في حـراوي رجاهـا=واليا ذكر له حاجـةٍ قبلهـا ون

القصيده كلها جميله ولكن هذي البيتين تساوي قصائد ولاتلوموني ابحطها توقيع شكرااالك يانافع 0

تسلم والله

وصح لسانك

جمال وروعه

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة خالداللهيبي

	صح لسانك يانافع الحربي وماشاء الله عليك انت والجزاله رفيقان في كل ماتكتب عادتك بارك الله فيك صح لسانك واعتلى شانك على هذه الرائعه وتقبل تحياتي

هلابك يابو احمد
اسعدني وشرفني حضورك وتعليقك لاهنت
والقصيدة كلها تفداك خذ اللي تبي منها
تحياتي وحترامي

	المشاركة الأصلية كتبت بواسطة طلال معيض

	تسلم والله وصح لسانك جمال وروعه

تسلم يالغالي وصح بدنك
سرني حضورك لاهنت

	المشاركة الأصلية كتبت بواسطة الحب الباقي

	صح لسانك مليون على القصيده والله يعطيك العافيه بيض الله وجهك

الحب الباقي
صح بدنك ووجهك ابيض
لقد سرني حضورك لاهنت

الشاعر الكبير نافع الحربي قصيده من شيخات القصيد
لايجيدها الا نافع الحربي انا من اشد المعجبين في قصيدك شاعر صاحب توضيف للمفرده
مطلع ومثقف وتجيد كل اغراض الشعر تحياتي بابن العم الغالي
دمت بحفض الله ورعايته

كفوووووووووووووووووووووووووو

وربي جزل بكل ماتحملة الكلمة


صـح لســـانك