من فيه بالقيل متحزم ولحن بين الشاعرين ابو مره والأشعل

ابو مره =
من فيه بالقيل متحـزم = ياخذ سلامي زهر وخزام
عازم ولا آبغاه متعـزم = ويكون فارس بطل جزام
الاشعل=
ياللي على الملعبه ملـزّم = ترحيب واجب عليّ الّزام
وصاحبك بالفوز مايجزم = ياللي فماد المثل عـزام
ابو مره=
أعرفك شاعر ومتعلـم = ماجف حبري عن الاقلام
إن كنت جاهز ومتولـم = هيا بنا والوعـد قـدام
الاشعل=
ماجيت للقيـل مستسلـم = جيتك وانا رافع الاعلام
وانته اذا كنـت متحلـم = صعب اتحقق لك الاحلام
ابومره=
مدآم صوت الرعد يرزم = بالله أربط عليك حـزام
أشوفه الوضـع متـأزم = يكفيك عرفك وعرفي زام
الاشعل=
علـيّ لاتـزم نفسـك زم = وآنا لخطام المثـل لـزام
وترى المعالي تجي بالعزم = وتبقى بعيده عن الاقـزام
ابو مره =
مال ألانا عندنـا مـوزم = يارحمة الله على صـدام
ياصاحبي لصاحبك أحشم = وقفت عليك المعاني حيام
الاشعل =
الجـو لـلآن ماعـتـم = لازال باقي على مايـرام
والان هات الذي يخـدم = سير المثل ..والكلام الهام