ان كان تعذيبي يسرك ويرضيك

	المشاركة الأصلية كتبت بواسطة نافع الحربي

	إن كان تعذيبي يسرّك ويرضيك إن كان تعذيبي يسرّك ويرضيك = اطعن تراني موثقٍ بالقيودي يما تبعت النفس وقبل تغلّيك = واهملت سلمٍ يتبعونه أجدودي شوقي على بحور القوافي يناديك = زرعت لك بنهار قلبي أورودي وصوتي على أوتار الضماير ايناجيك = يرسم على رموش الغواضي الهودي راح الزمان وطرّف الوقت نرجيك = أرفق بحالي لا تبيّح أسدودي اضحك ترى ضحكك يفك الشرابيك = ويبرد جروحٍ يابسات العدودي ترى الضمير اللي منوّل يسلّيك = لهيب قيضٍ في معاصير نودي حرام تزهد في صديقٍ مصافيك = على كلامه من فعوله اشهودي يمكن يدور الوقت وارفض ترجّيك = وحرق عهودٍ مبرمات العقودي هذا قصيدي عن مدى الشوق ينبيك = عليه من دمي قتيل الجنودي لولاي أخاف يصير بالوضع تشكيك = طرقت باب مطوّلين ألصدودي دق الضمير وقرر القلب يشريك = مدام بالأيام نقصٍ وزودي

صح الله لسانك ياشاعرنا المبدع والمتميز على هالوجدانيه الرائعه معنى ومغنى وجزاله غير مستغربه من شخصك الراقي بيض الله وجهك يابو بدر ولانعدم تواجدك

	المشاركة الأصلية كتبت بواسطة مضحي بن جمران

	صح الله لسانك ياشاعرنا المبدع والمتميز على هالوجدانيه الرائعه معنى ومغنى وجزاله غير مستغربه من شخصك الراقي بيض الله وجهك يابو بدر ولانعدم تواجدك

شاعرنا المبدع المتألق في سماء الإبداع :مضحي ابن جمران
اشكرك الشكر الجزيل لقد سرني وشرفني حضورك وتعليقك الراقي
صح بدنك ووجهك ابيض ولاعليك زود يابن العم لاهنت :
تقبل تحياتي واحترامي لشخصك الكريم :