ياقوافي الشعر يابيـوت الجزالـه .,.,.,.,.,.,.,.,.,.,.,.,. عندما تغضب القوافي

السلام عليكم
"
"
"
"
"
"
"
"
"
"
"

ياقوافي الشعر يابيـوت الجزالـه=لاعبيني فالطريـق اللـي طويـل
هاض هاجوس الزبيدي بالعجالـة=يردف المعنى على المعنى الجميل
راكب اللي ما يبـا راع الجهالـه=خيل تجمح داخله تصهل صهيـل
صنع نصراني خبير (ن) في مجاله=حس سلفه يطرب اللي له محيـل
مع رفيق(ن) قرم كساب الجمالـه=لاكـذوب ولا جبـان ولا بخـيـل
مثل صقر(ن) حر مايرخي سبالـه=ما يسير إلا على نهـج ودليـل
فاتل الشارب منكس فـي عقالـه=يبـري العلـه ويـوزن للعميـل
يارفيق الخير صاحبـك احتمالـه=شح والدنيـا علـى مثلـه تميـل
ويش معزب ناقصه دايـم دلالـه=لا طبخها بـن مـا بهـر بهيـل
ليتنـا جزنـا ولا جينـا حلالـه=ولا نظرنا ويش معه باقي حصيل
صح ..ولد البوم مثلـه فالسلالـه=والخضير محال نسله نسل خيـل
قالها اللي ما مشى درب السفالـه=ولا تكلم فـي فـلان بقـال قيـل
وجدي الليله علـى راع الأصالـه=الكريم العاقـل الشهـم الأصيـل
الـذي رام العـوالـي بالنبـالـه=والمدايح حـق فالرجـل النبيـل
الذي عز الخوي وأثبـت حبالـه=سهل فالممشى وفي رفعة سهيـل
زبن منهو في جـواره بالكمالـه=يفرج الضيقـات لطـام المعيـل
في دياره مـا ذكرنـا قـط حالـه=صح نسل الذيـب مثلـه فالفعيـل
قالها الحربي زبـون لكـل طالـه=ربعه الشامـات كالبحـر المهيـل
الزويهر يوم غنـى فـي مقالـه=حط فوق الجـرح بلسـم للعليـل
يفهم الفاهـم ويجهلـه الحثالـه=كيف يفهم فالمثـل واحـد هبيـل
ياحروف الشعر يابيـوت الدلالـه=كل جيل(ن) عنك يفرق فيه جيـل

صح لساااانك يافواز ويسعدني أن أكون أول من يرد على هذه الابيات الاكثر من رائعه

صح السانك يا الزويهر الله يعطيك العافيه
تقول
راكب اللي ميبا راع الجهاله×××خيل تجمح داخله تصهل صهيل
سؤأل المركوب مانوعه

صح لسانك يالزويهري
وبيض الله وجهك

على هذي الجزله

اللي هي من شاعر جزل

اخوي فواز الزويهري
لاهنت ولا هان حضورك الكريم
احترااامي

	المشاركة الأصلية كتبت بواسطة عبدالله السليمي

	صح لساااانك يافواز ويسعدني أن أكون أول من يرد على هذه الابيات الاكثر من رائعه

صح بدنك وسلم غاليك والله يبارك فيك

بل أنا السعيد بتواجدك يالغالي

لك خالص التقدير

صح لسانك مليون على القصيده
والله يعطيك العافيه
بيض الله وجهك

لاهنت وصح السانك تقبل التقدير والاحترام وفقك الله

صح لسانك على هالقصيدة والابداع

	المشاركة الأصلية كتبت بواسطة ولد الحصني

	صح السانك يا الزويهر الله يعطيك العافيه تقول راكب اللي ميبا راع الجهاله×××خيل تجمح داخله تصهل صهيل سؤأل المركوب مانوعه

وارد الماركيز فالطرقة سبوقي=مركب الباشات والبيه الأفندي
مامشى البطناج والرمل العروقي=مامشى غير السهود اللي مهودي

أشكرك على مرورك الكريم
لك خالص التقدير

صح لسانك
على
هالقيمه الجزله
طبعا
ليس غريبه على شاعربحجمك
تحيتي