من يتنازل وينظر لي ( أخوكم أبومديده )

خلاصة المحاوره الثانيه
بين
ماجد أبومديده
&
عقيد الخيل

عقيد الخيل=
نمشي بحسب الاصل والقن=ولانختلـف فـي معانينـا
سلام من داخلـي واهلـن=بالصاحـب اللـي يوافينـا
ماجد أبومديده=
رسم المعاني مع أهل الفن=اللي على القـن تفتينـا
يامرحبـا بالنيابـه عـن=جوارحـي يـا منابينـا
عقيد الخيل=
بالحرف قيفانانا يرقن=وبسياس ننسج مبانينـا
وطلسام تعجز تفكه جن=انته وانـا مايعاضينـا
ماجد أبومديده=
محدِن يصيبُه شكوك وظن=فيمـا تـقـدِّم أياديـنـا
الجـن لأمثالنـا تذهـن=وهيا على القيـل مشينـا
عقيد الخيل=
فالقول ياصاحبي امعن=ومثلك لهم باع فالمينا
الكل قاسي معاد يحـن=يتبع ورا الفلس والطينا
ماجد أبومديده=
بعد إطلاعي على المُعلن=مـن يمُكُـم يابناخينـا
المال لو كان شن ورن=مايشقي إلآ المجانينـا
عقيد الخيل=
أخطأت فالجرع يامحقن=ماصبت فالقول ياخينـا
ارجع وعيد النظر واتقن=تلقـى معالـم موارينـا
ماجد أبومديده=
أنظر في معناك وأبرهـن=ردآ على حسب مايجينـا
وإليا خطاك العلاج أحسن=توكِّـل الـرب واليـنـا
عقيد الخيل=
سهوم وسط الحشى يطغن=والضيم ياصاح مرذينـا
خليت قلب الشقي يحزن=مايقـدر يبيـح خافينـا
ماجد أبومديده=
مادام سهم الحشا يغبـن=وحالة فلسطيـن تِبكينـا
لجل إيش مانصرخ ونعلن=وندوس في وجه أعادينا
الحـق لابـد مـايـؤذن=هـذا إذا كـان يعنيـنـا
لانحصرُه في قفص معدن=والله وليْ الأمُر فينا

ويصحابنا سامحونا