قيدة للشاعر الكبير بطيحان بن حصن المعبدي

هذه قصيدة للشاعر الكبير الشيخ بطيحان بن حصن الهديمي المعبدي الحربي (يرحمه الله )في
ابنه الشيخ فرحان بن بطيحان (يرحمه الله )عند سفره لامريكا لتلقي العلاج هناك حيث توفي بها ......
واسئل المولى ان يرحمهما ويسكنهم فسيح جناته
واليكم القصيدة :

يالله يا مـولاي يـارب الانسـان=ياخالق الماء من سحـابٍ يقـودي
اطلب شفى ليّه ولأبـوي فرحـان=نطلبك مانطلب بخيـل وحسـودي
الله يشافي كـل مسلـم ومرضـان=عطفك وعفوك يالغفـور الـودودي
يا صاحب الاحسان نطلبك الاحسان=تجود يوم ان العرب مـا تجـودي
لقريب ازوره واشوفـه بالاعيـان=شالوه عني فـي بعيـد الحـدودي
مـن السعوديـه لداىالمريـكـان=اللي يعينـون العصـاه اليهـودي
عسى الشفاء ياتيه يارب عجـلان=يطيـب ونشوفـه يـارب يعـودي
قفّّى وخلّى لـه جهاهيـل ورعـان=الله يصلحهـم صـلاح الجـدودي
ان كان ماالله ثم نايـف وسلطـان=وحصن ومحمـد وكـل الفهـودي
يارب عين اللي من أحوال تعبـان=يبات ودموعـه تسقـي الخـدودي

الله يرحمهما ويسكنهم فسيح جناته
ويشفي جميع مرضا المسلمين
اخوي ابن صقر
مشكور على القصيده الجزله
اخترت فاحسنت الاختيار
احترااامي

	المشاركة الأصلية كتبت بواسطة سعودية

	الله يرحمهما ويسكنهم فسيح جناته ويشفي جميع مرضا المسلمين اخوي ابن صقر مشكور على القصيده الجزله اخترت فاحسنت الاختيار احترااامي

الأخت سعوديه

اسعدني مرورك

موفقه بإذن الله