الى الشاعر القدير هزيم الرعد مع التحيه

الفـــــارس=
عد النسيم ان هفا واروى=قلبٍ يعيش الولع والشوق
سلام به غاية المنوى=نطلع مع اهل المثل لافوق
هزيم الرعد=
أعذب لحون الهوى تروى=لجلك كسيت القوافي طوق
ترحيب وانا على حـروى=أهلاً هلا يا رفيع الـذوق
الفـــــارس=
تبقى ومثلك على الهقوى=بنشدك ياطيب المنطوق
عن ود ماصادف السلوى=من بعد شمسه بدت في شروق
هزيم الرعد=
اسمك منه ممتلـك حظـوى=وانا اشهد انه عليـك يلـوق
ذا ود فـي منطقـه اقــوى=ويا بخت عاشق على معشوق
الفـــــارس=
شهادتك تعتبر نقوى=وانا اشهد انك حسين عذوق
والود له فالحشا سطوى=كيف اعتلى المركز المرموق
هزيم الرعد=
الود لأهل الهوى تقـوى=كل الجوارح وراه يسوق
لا واطن الروح وإستقوى=ما فيه قبله هدف مسبوق
الفـــــارس=
على كذا الحال والرجوى=نبطي وفيهم ماصار وفوق
ومن بيننا زادت الفجوى=وعيّت ظروفه معاي تروق
هزيم الرعد=
إصعد معه لو جبل رضـوى=مادام قلبـك معـه موثـوق
ذا الحال كـل الـذي يهـوى=ومهما حصل ! للقلوب عروق