لا شفت عقلك كُبر جسمك

بخيتان البشري =
لا شفت عقلك كُبر جسمك=بقـول معـذور وش دراك
صابر واراعي حسب فهمك=ليتك تفهمـت يـوم أدراك
أبن وازن=
يا بادع الفن في رسمـك=وصلت علمك لمن يبغاك
يابو البخت يشتري حلمك=وارسل عذر الذي يفـداك
بخيتان البشري =
لجليش خليتهـا قسمـك=هذي سراها في غير سراك
ليا بغيتك زهمـت إسمـك=انتا يميني وأنـا يمنـاك
أبن وازن=
نقزه من الصاج لا تهمك=ومني الوفا ياخوي جاك
فيك الصفا يجري فدمك=يامن حميت الذي يحماك
بخيتان البشري =
لايكثر النقز من وسمـك=هذي نصيحة أخو يبغاك
ماتهمني صاجهـا همـك=الظـن لاتجعلـه مبـداك
أبن وازن=
ابنا عمومى وابـن عمـك=واللى حصل قفله بغطـاك
ودام الجسم شايله عظمك=ظني النجم والقمر فسماك
بخيتان البشري =
معناك بين العرب لزمك = إحرص تحرص على معناك
مادام بصّمت وبخمسك = مسموح في غيرها لا ألقاك
أبن وازن=
لا يبعـد القـول مـن يمـك = انت القمر والنجم فمداك
جبت المعاني وغط لمك = والمشتري يخذله شرواك
بخيتان البشري =
أعرفك وأعرف غُزر جمك=ونور القمر فالسما علاك
ومعناي إنكانـه سمّـك=كل المعاني ترى تفـداك

ياخوك عطيناك الوفا والتكميل وسامحناك فالنقزة وماعرفنا لك طُب

الله يستر عليك ويحفظك يابو طارق شرواك يفقد وينقد