ديوان الشاعر(بخيتان البشري)

بــخــيـــتـــان =
لأجلك معلم وراعي قيـل=وتخرج أجيال مدرستيـن
لايات منها وليـش تميـل=وكيف التعامل مع اثنتيـن
قـــــابــــــل =
ماعندنا في غلاهـم ميـل=هذيك حاجب وهذي عيـن
وانا معاهم فحـط وشيـل=صابرورب العبـاد يعيـن
بــخــيـــتـــان =
حريص مثلك فعدل وكيـل=جابتك جابة ولـك تثميـن
ياكيف رأيك بهذا الجيـل=مثلك تعايش مع الجيليـن
قـــــابــــــل =
تسأل ومثلك قوي الحيـل=زايد عليه بتسـع سنيـن
والمسألـه ماتبـا تحليـل=في كل الاوقات زين وشين
بــخــيـــتـــان =
أنا أعرف إنك علو سهيل=عندك سياسة ولك تسنين
وش ينفع البن دون الهيل=والظن مبني على التخمين
قابل=
منك التراحيب جتنا سيل=قول وفعل والكلام يقين
واليد قالوا هل التأويـل=ماصفقت غير بالثنتيـن