يامن لكم فالمثايل شان=ابغاك تفرزع بالاجهادي ...... زامل البشري و فواز الزويهري

السلام عليكم ورحمة الله وبركاته
"
"
"
لحن عبر الجوال مع الصديق الشاعر زامل البشري أبو محمد و فواز الزويهري
أرجو أن ينال القبول والرضى
"

"

زامل البشري =
أعداد ما هلت الأمزان =وأعداد ماسيلها قادي
سلام لهل الوفى الشجعان=اللي على عز وامجادي
فواز الزويهري =
أعطر من الورد والريحان=وأزكى من الورد والكادي
ترحيب بنصى هل الأقنان =اللي لهم فالوف عمادي
زامل البشري=
دام البقا خيرة الظفران=يانجم كل الملا بادي
زين المثل أفتح البيبان=إن كان وإن جوكم هادي
فواز الزويهري=
معدود مثلك جبل ورقان=ياللي لك الطيب ميرادي
والجو رايق يبيله دان =هات المثل واسمع انشادي
زامل البشري=
يامن لكم فالمثايل شان=ابغاك تفرزع بالاجهادي
فاللي لجا فالضمير وبان=وأصبح لنا ضد ومعادي
فواز الزويهري =
قلبي وفكري معك باحسان =يالصاحب اللي لنا ينادي
ومن قبل لا نعد الميزان =ويش الذي جاب الأنكادي
زامل البشري =
ترك المواجيب يالشيهان=كل يوم في نفوس يزدادي
بذلتله كل ماهو كان =ولياه فشقاق وعنادي
فواز الزويهري =
اللي مشى فالجهالة يهان =مثل الذي يسكن الوادي
وإن كان صمم على النقصان=انشر بيانه على الرادي
ولكم خالص التقدير=