عصــر الحضــارة

	المشاركة الأصلية كتبت بواسطة عبيد العمري

	اسعد الله جميع أوقاتكم مشاركة متواضعة اتمنى أن تنال رضاكم اليــوم أبحكــي واقــع حي ملمـوس=وش رايكـــم يأهــل الفهــم والشكــالـه واقــع مابين النــاس للكل محســـوس=واقـــع نعيشـــه يا وجيــه ألجمــــالـه عصر الحضارة غير طبوع ونفــوس=فكــــك ترابطنـــا وشـــوه جمـــالــه عصر التطــور غيــر اللبـس بلبــوس=غيــر مبــادي طيبـــات بهــــــــزالــه هذا مرض في المجتمع سار مغروس=ضيع في بعض الناس معنى الرجاله ضاعــت شهامتهــم وراء كل مأنوس=وضيــع علــى نهجــه ودربه عيــاله راحت عوا يدهم وذا درس مدروس=الــرجل ما يسأل عن اللي في جاله واليــا بديــت تناقشــه رد معبــوس=وقـــام يتعــذر لــك بكثـــر انشغــاله ويشكي لك ظروفه ومن وقت منحوس=شماعـة التقصيــر فــي كـــل حــاله ما يدري ان العز في رفعة الروس=اللــي تصــد الوقــت قبـل انحــلاله ولا يرفع الرجال شنطة بها فلوس=النـــاقص اللــي يرفعــه كثر مــاله والكبر في الرجال يدخل كما السوس=اليـــاء لبـــس بشتـــه وميــل عقـــاله وقالوا له أنت شيخ وأنت من الروس=وأنت الذي تشرب من المــاء زلالــه و انغر باسم المشيخه صار مهووس=ومشى على درب الــردى ما صحا له وأخذه غروره لين به صار محبوس=فـي منــزل هـو من بنفســه سعــى له ما يدري أن الشيـــخ كســاب نامــوس=دايــم ما بيــن النــاس يرقــا الطــواله ولا هو على ما قيل بالهرج حسحوس=مجـــد الشــرف والعـز طالــة وناله فيه الوفاء من سابق الوقت مغروس=ويفــرح ليــا نــاد المنــــادي وجـــاله هــذا هــوالواقــع ولا فيـه مدسـوس=بعض العرب عـن أقــرب الناس دالـه الياء متى ما نعتبــر وناخــذ دروس=ونمشــي علـى نهــج الهـــدى والرساله اللــي لنــا مرجــع أساســي وقامــوس=حتــى أنجلــــى معهـا ظــلام الجهـاله ونرد من يمشي على الدرب منكوس=ولا ما بيــن النــاس يتــرك لحـــاله ونعذر منه لا صـار في حــال ميؤس=يهــديــه رب الكــون جــل جـــلاله تحياتي وتقديري للجميع.

صح لسانك يابو مشاري وبارك الله فيك

رايتك بيضاء 00كفيت ووفيت

قصيده في قمة الجزاله 00والمعنى الراقي

تحياتي لك

ولا تحرمنا من جديدك دائماااااااااا

	المشاركة الأصلية كتبت بواسطة خالداللهيبي

	صح لسانك يابو مشاري وبارك الله فيك رايتك بيضاء 00كفيت ووفيت قصيده في قمة الجزاله 00والمعنى الراقي تحياتي لك ولا تحرمنا من جديدك دائماااااااااا

يامستشار الملتقى مرحبابك
شرفت بحضورك لنا طال عمرك


اخوي خالد

حقيقي متابعتك لها دور كبير في

تواجد الأعضاء

وهذا يدل على غيرتك على هذا الصرح الشامخ

بشموخ أمثالك من الرجال

تقبل شكري وتقديري