ديوان الشاعر مشعل سالم النويمي

مهما اختلفنا أنا وياك = ماضاع لك ود في نفسي
كل المشاعر تحب رضاك = والروح تصبح بك وتمسي

على ضفاف البحر كنا = واحلى التفاصيل عشناها
تاخذ غرام الهوى منا = ومنها التعابير شفناها

مادام يشم الهوى راسي = تبقى على الطيبة دربي
هذا الوفى ثوبي ولباسي = ولباس من ساسهم حربي

مهما تنوعت فالاسلوب = ودك تراضي هوى غيرك
محال تحصل على المطلوب= ماوافق الكل تفكيرك

كنت الامل لي والاحلام = واعيش فالحلم بك واصحا
لاكن تبين مع الايام = احلامي كانت بكم شطحا

قلب المُعنى تعب وحتار= من زود ماجات فيه جروح
كل مارسا قلبنا وختار = يأتي عليه النظر ويروح

ياصاحبي خاطري قنعان = ماعاد درب الهوى نمشيه
لولا الهي بلطفه عان = لاراح قلبي ضحية فيه

سنين تعطي ولا تنضب = وبعد الوفا يهجرك ويغيب
لكل حق ياقلبنا تغضب = الجرح أكبر من إنه يطيب

لو أضمن العمر لو ساعة = ماعشت لحظة بها محروم
لاكنها أنفاس خدّاعة = تأتي فساعة قدر محتوم

عد الخُطا واحسب اللي تعد = وزود على حسبتك أضعاف
فقياس حبي لكم ماتسد = لو كان هذا الهوى بنصاف