السيوف الخاضعه

شاقني ريـم ٍ نظرتـه بسـوق البايعيـن=يوم شفته عد كبدي تمزع مزع من معلوقها
سل سيف الموت بين الحواجـب والجبيـن=والرقاب الخاضعه حـط سيفـه فوقهـا
قلتله رح خلنا نسلـك طريـق المهتديـن=لاتودينـا لــدار ٍ بعـيـد عموقـهـا
قال انا العشاق واعرف أسلوب العاشقيـن=وأعرف رجال الولع من صدى منطوقهـا
وأنت واسمك الهوى مثل وسـم الاوليـن=والعذوق الصفر لـو شفتهـا ماتذوقهـا
قلت موهوب الفطانـه منطوقـك ثميـن=والله أعلم كان امانتك صنـت حقوقهـا
دار فكري معه ماعرف شمال ٍ مـن يميـن=مرهـب العشـاق متجاهـل ٍ بحقوقهـا
ثـم روح سالـم ٍ ماكنـه مـن المذبيـن=مادراى أنـه محـدث ٍ بلبـلاد وسوقهـا
ليتنـي يابومحمـد لهـن مثـل الامـيـن=وكـل يـد يابومحمـد يـد الله فوقهـا
مـن يختـار فيهـن بشـرع المرسليـن=ياخذ اللي كنهـا الريـم فـي مرموقهـا
يوم تمشي تنور الارض زين فـوق زيـن=بنت من يخلي سروج الخيـل ممـا فوقهـا
مايـزوج مـن تلبـس بثـوب الميتيـن=طاقة ٍ لفة على الاسرار وبيـن أطروقهـا
كنها في طابـق ٍ غلـف عليهـا ماتبيـن=بيـن ربـح وخاسـر لارفـع طابوقهـا
والصقور أتخضع من حكـم رب العالميـن=لو تصيد القايـده تنحـرم مـن ذوقهـا

صح لسانك
على هالقصيده الجزله التي لاتخلو من الجمال بانواعه
بانتظار جديدك
تحيتي

صح لسانك اخوي احمد السليمان وحياك الله في ملتقى حرب
كلام جميل ونتظر منك الاجمل
الله يعطيك العافيه
/
\

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صحت ابدانكم جميع ولاهنتو

مودتي

احمد السليمان
صح لسااانك
وبيض الله وجهك
على هذا الابداااع
لاهنت لاهنت
وننتظر جديد ابدااعاااتك

صح بدنك أخوي

ولاهنت على الاطراء الجميل

الابداع في مرورك الجميل

مودتي

صح لسانك اخوي / احمد السليمان

وبيض الله وجهك على القصيده الجزله ..

صح بدنك والاجزل مرورك العـطر


مودتي