إلى الأستاذ القدير سالم البشري ،،،،،،،،،،،،،،،،،،،،،،،،،،

حفيد الحجيري =
سلام لأستاذنا سالـم=مخصوص ويعمّ من يقراه
إن كان حرفك لنا والم=هيّا نسوق المثل في سراه
سالم البشري =
ترحيب للشاعر الفاهم=أسعد بشرواه واتحراه
وحرفي موّلم معي دايم=خل المثل يتخذ مجراه
حفيد الحجيري =
دام البقا وربنـا عالـم=اللي فقلبي لكـم نكنـاه
ودام الوفـا بيننـا قايـم=بأوصفلك الدا ومنك دواه
سالم البشري =
أمر الوفا منتهي حاسم=ساسه مثبت قويّ ابناه
وانا معك باقضي اللازم=لاجاني العلم من مبداه
حفيد الحجيري =
هل كل مظلوم له ظالـم=أم بعضهم تظلمـه يمنـاه
واللي نزل فالبحر سالـم=أم ينحسب من ضحايا ماه

لا أدري هنالك أمرٌ ما يدفعني بشوق لمتابعة هذا الحوار ...
ننتظر بشوق استكمال المعنى واتضاح الرؤية ...
لذلك الحين ...
أوركيدا ...