بيني وبين الشاعر ماجد أبومديدة

السلام عيكم ورحمة الله وبركــاتة
عبود
صاح الفتى قال يكفيني == من لوعة الود وانشابه
يم الشقـى لا تودينـي == ضاع الفكر ضاع بسبابه
ماجد ابومديدة
الود يحكُـم سلاطينـي == ويبهذل اللـي تبلوابُـه
مع الفتـى لاتهقوينـي == يمكِن أمر فالهوى صابُه

عبود

ابغى اعذل الطرف ممديني == ولاعاد اقوى على غيابـه
قدامك الشـرح وافتينـي == لا تموج وانت من اربابه

ماجد ابومديدة
دام الخبر بينك وبيني == والنجم هكّب بمغيابُـه
قوْي مساعيك بالليني == عسى الفرج ينفتِح بابُه

عبود
مخفيك أمـره معظَينـي == وارسلت له كم نجابـه
كاس الهناء كان يسقيني == واحلا من الكاس صبابه

ماجد ابومديدة
حرام كاس المودينـي == راعيه يبخل على أحبابُه
لكِن قلُه علـى عينـي == حتى نقول الندم جابُـه